ଜାଗ୍ରାତା କିନି କାତାୟାଁ
1 ହେ଼ ନା଼ ମୀର୍ଏଣା, ନୀନୁ ନୀ ପା଼ଡ଼ିତି ଲ଼କୁ ତାକି ଦା଼ୟି ଆ଼ଦି, ଆ଼ଆତିଁ ଏଟ୍କା ଦେ଼ସାତି ଲ଼କୁ ତାକି ମା଼ନି କିହା ଦା଼ୟି ଆ଼ଦି, 2 ଆତିହିଁ ନୀନୁ ନୀ ଗୂତି ବ଼ଲୁତି ପା଼ନ୍ଦାତା ହେର୍ୱାମାଞ୍ଜି ଅ଼ଡ଼େ ଜାହାରା ଗୂତିତି ବ଼ଲୁ ତଲେ ଆସ୍ପି ଆ଼ହାମାଞ୍ଜି। 3 ହେ଼ ନା଼ ମୀର୍ଏଣା, ନୀନୁ ନୀଏଁ ଈ କାମା କିମୁ, ଜାହାରାଇଁ ଗେଲ୍ପାମୁ; ଇଚିହିଁ ନୀନୁ ନୀ ପା଼ଡ଼ିତା଼ଣା କେୟୁତା ହେର୍ୱାମାଞ୍ଜି; ହାଲାମୁ ଇଞ୍ଜାଁ ଜାହାରାଇଁ ଊଣା କିହାଁ ନୀ ପା଼ଡ଼ିତା଼ଣାଇଁ ଅଲେ ଅଲେ ବାତିମା଼ଲାମୁ। 4 ନୀନୁ ନୀ କାନୁତି ଇଦା କିହାଲି ହୀଆନି, କି ନୀ କାଣ୍କା ମାଟାୟାଁଇଁ କଟଣି ହ଼ଚାଲି ହୀଆନି। 5 ଅ଼ଡ଼େ ଜାହାରାଇଁ କୂର୍ହୁ ସମାନା ବାଣ୍ମିୟା କେୟୁଟି, ଅ଼ଡ଼େ ପଟା ସମାନା ପା଼ନ୍ଦା ଅଡିନାଣା କେୟୁଟି ଗେଲ୍ପା କଡାମୁ।