26 ରାଜା ଆୟା ଦାନିୟେଲ, ଏମେୱାନି ଦରୁ ବେଲ୍‌ଟଶତ୍ସର ମାର୍ହାତ୍‌, ୱାନିଙ୍ଗ୍‌ ମାଟା ସିଜି ଇର୍ହାନ୍‌, ନାନ୍‌ ଆମା ଲୋବ୍‌ ସୁଡ଼ୁତା ମାନା, ନିନ୍‌ ନା ଆୟାକା ମାରି ଆବେଣି ଅର୍ତ ନାଙ୍ଗିଁ ନେସ୍‌ପିସ୍‌ ନି ? 27 ଦାନିୟେଲ ରାଜାଦି ଆଗ୍‌ଡ଼ି ମାଟା ସିଜି ଇର୍ହାନ୍‌, ଏ ରାଜା ଆମା ମାଟା ୱେନ୍‌ବାତି ମାନି, ଆକା ପଣ୍ତିତ୍‌ ଲୋକୁ ମାରି ଗୁଣିଆର୍‌ ମାରି ପାଞ୍ଜିସୁଣିକାର୍‌ ମାରି କଲଦିୟର୍‌ ରାଜାଦି ଆଗ୍‌ଡ଼ି ଇଣ୍ଡ୍ରେଙ୍ଗ୍‌ ଆଟ୍‌ଏର୍‌; 28 ମାତର ଏନ୍‌ ମାର୍‌ଗିତି ଇୟାୱିଜୁ ବିସୟ୍‌ ଇନାନ୍‌, ଇୟାୱାଜା ଅରେନ୍‌ ମାପୁରୁ ମୁସ୍‌କୁପୁର୍‌ତୁ ମାନାନ୍‌, ମାରି ୱିଜ୍‌ନି ୱେଡ଼ାଦୁ ଆମାକା ଆମାକା ଗଟାନାତ୍‌, ଆକା ୱାନ୍‌ ରାଜା ନବୂଖଦ୍‌ନିତ୍ସରତିଙ୍ଗ୍‌ ଇର୍ହାମାନାନ୍‌ । ନି ଲୋବୁ ମାରି ଗୁରିତି ବାଡିଦି ନି ମୋନ୍‌ତି ବର୍‌ ଇକା;