ନିହିମିୟାଦି ପାର୍ତନା
4 ଆବେଟ୍ ନାନ୍ ଇୟା ମାଟା ୱେର୍ଇ ଦାପ୍ରେ, ବାସ୍ତାନୋ ଆଡ଼ାବାତା ମାରି ଏସ ଦିନ୍ ସାନ୍ଧି ଏତ୍ କିଜି ଆଡ଼ାବାତା; ମାରି, ନାନୁ ମୁସ୍କୁପୁର୍ତି ମାପୁରୁଦି ଲାକ୍ତୁ ଉପାସ୍ ନି ପାର୍ତନା କିଜି ଇର୍ହା, 5 ଏ ପ୍ରବୁ, ମୁସ୍କୁପୁର୍ତି ମାପୁରୁ, ନାନୁ ମାଡ଼ିସ୍ କିଜିନା, ନିନୁ ପେରିକାନ୍ ନି ବୟ୍ଙ୍କାର୍ତି ମାପୁରୁ, ଏମେକାର୍ ନିଙ୍ଗିଁ ଜିବନ୍ନୋନାର୍ ମାରି ନି ୱିଜୁ ମାଟା ମାନାନାର୍, ୱାରି ତରିଟାନ୍ ନିନୁ ନିୟମ୍ ନି ଦୟା କିଜିମାନ୍ଆ; 6 ନାନୁ ନି ବିରୁଦ୍ତାନ୍ ମାପ୍ କିତିମାନି ଇସ୍ରାଏଲତି ମାରିନ୍କା ପାପ୍ ମାନାଜି ନି ଦାସ୍ ଇସ୍ରାଏଲତି ମାରିନ୍କା ତରିଟାନ୍ ୱେଡ଼େନାଡ଼ା ଇୟା ବେଡ଼ାଦୁ ନି ଲାକ୍ତୁ ଏମେ ପାର୍ତନା କିଜିନା, ନିଜେଦି ଦାସ୍ତି ଆୟା ପାର୍ତନା ୱେନି ଉଣ୍ତିଙ୍ଗ୍ ଇଲେଇ ଗିତଣି ମାନାତ୍ ମାରି ନି କାଣୁକୁ ରେଆପିୟ୍; ନାନ୍ ନି ନା ବୁବାରି କୁଟୁମ୍ ନେ ପାପ୍ କିତାମାନାପ୍ । 7 ମାପୁ ନି ବିରୁଦ୍ତାନ୍ ନାଣ୍ତ ପାପ୍ପାଣି କିତାମାନାପ୍ ମାରି ନିନୁ ନିଜେଦି ଦାସ୍ ମୋସେଙ୍ଗ୍ ଏମେ ମାଟା ନି ନିୟମ୍ ନି ସାସନ୍ କିତିମାର୍ଇ, ଆୟାୱିଜୁ ମାପୁ ମାନାଏପ୍ । 8 ନିନୁ ନିଜେଦି ସାକର୍ ମୋସେଙ୍ଗ୍ ୱେର୍ସି ଇର୍ଇମାର୍ହି, ମିରୁ ମାଟା ମାନାଇତିଙ୍ଗ୍, ମାପୁ ମିଙ୍ଗିଁ ଆଇଆଇ କୁଟୁମ୍ ଲୋଇ ଇନିଙ୍ଗାଁଆନିଙ୍ଗାଁ କିନା; 9 ମାତର୍ ଏସ୍କାଙ୍ଗ୍ ମିରୁ ମା ଉଣ୍ତିଙ୍ଗ୍ ଡ଼େସିୱାନି ମାରି ମା ମାଟା ମାନାଜି ଆୟା ଇସାବ୍ତାନ୍ ପାଣି କିନି, ଆର୍ତିଙ୍ଗ୍ ମି ଡ଼ିସାତି ଲୋକୁ ବାଦଡ଼ତି ଇତିମାନି ରାଜିଦୁ ମାର୍ହିଙ୍ଗ୍ ବା ମାପୁ ଆବେଣାନ୍ ୱାରିଙ୍ଗ୍ ଉଣ୍ତା କିନିକା ମାରି ମାପୁ ନିଜେଦି ଦରୁ ତିଆର୍କିନି ଏମେ ବାଡି ଆସ୍କିତା ମାନାପ୍, ଆୟା ବାଡିଦୁ ୱାରିଙ୍ଗ୍ ତାନିକା; ମାଡ଼ିସ୍କିଜିନା, ନିଜେଦି ଇୟା ମାଟା ଏତ୍ କିଦୁ ।
10 ଇୟାକାର୍ ନି ସାକର୍ ମାରି ନି ଲୋକୁ, ନିନୁ ଇୟାୱାରିଙ୍ଗ୍ ନିଜେଦି ପେରିସାକ୍ତିଦାନ୍ ମାରି ନିଜେଦି ଡାଟ୍ତି କିୟୁଦାନ୍ ମୁକୁଡ଼ା କିତିମାନି । 11 ଏ ପ୍ରବୁ, ମାଡ଼ିସ୍କିଜିନା, ଏମେକାର୍ ନି ଦର୍ତିଙ୍ଗ୍ ତିଲାଦେଙ୍ଗ୍ ୱେଡ଼ିକା ଆନାର୍, ଇୟାୱାଜା ନି ଦାସତି ପାର୍ତନା ମାରି ନି ଦାସରି ପାର୍ତନା ଉଣ୍ତିଙ୍ଗ୍ ଇଲେଇ ମି ଗିତଣି ୱେନିତ୍; ମାରି ପାର୍ତନା କିଜିନା, ନେରୁ ନିଜେଦି ଦାସତି ପାଣି ପୁରା କିଆ, ମାରି ଇୟା ଲୋକ୍ତି ଆଗ୍ଡ଼ି ୱାନିଙ୍ଗ୍ ଦୟା ଆଦେଙ୍ଗ୍ ସିଆ । ଇୟାବେଡ଼ାଦୁ ନାନୁ ରାଜାଦି ଅଙ୍ଗୁର୍ରସ୍ ସିନିକାନ୍ ମାର୍ହା ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)