Lucas 1

Ntshol esashaang’l mibotsh’dj mi Yish

26 A ngwôn ishaam’l i dieem di Elisabet, Ntshièm katomaan ntshol Gabliel a bol bumotsh bu Ngaleel akat Nazaleet. 27 ✝1.27. Mt 1.18.Abol ilieeng’i ngaat i mbè kayitshik ayeeph nuung imbaak yeek’l ibol Yosef, ntshwakaan abol Davidj. Diin di ilieeng a ngaat i mbè kayitshik ayeeph nuung akun ambaak Maliy. 28 Ntshol kiying’laan a bol Maliy, kanwoosaan ane: "Maliy wanum, nkit’l mwaliaa! Mweeng mu Ntshièm mwaaliaa; Kum ediaa!"

29 Ek lakeny kadiim luun Maliy ikaam i nkieetsh muku, kadiwuusaan ane yum’l iku isalak key. 30 Ek ntshol kanwoosaan ane: "Maliy kutshiin’k mbi, ikaam mweeng mu Ntshièm mudiaa." 31 ✝1.31. Mt 1.21.Ween ukaal i dieem, ukabot mwân a nuung, Umwekamweek diin di Yish. 32 ✝1.32. 2 Sam 7.12; 13.16; Yesh 9.7.El’kaal mwoot anen. Bambokambok mbel ane: "Mwân abol Kum a dik, Kum Ntshièm amwekamweek bunyim bu ishanaan Davidj, 33 el’kaal kum a yoyoo a ben’a Isaleel, bukum bwaan kabulaal i mom mbi."

34 Maliy kawuulaan ntshol ane: "Dweey diku dilayeem’l mbony, ikaam i mbè miim yaaph nde ilieeng’i ngaat i mbè kayitshik ayeeph nuung?"

35 Ntshol amankal’l ane: "Mween musek mukakum a dik diaa, bunoon’l bu Ntshièm bukaal’iaa mun ilwimalwim. Ngwoon, mwân elween abot, bambokambok mbel mwân a Ntshièm. 36 Lieen, Elisabet mwanyo, iyaan edi dieem di mwân a nuung a bunun bwaan; aan ambaak baan abok mbel ane ikut, ek ngwôn aku wey, iyaan anshaam’l a dieem. 37 ✝1.37. Matt 18.14.Ikaam’i mbè, kwa dweey mbè dimotsh dinek Ntshièm bunoon’l mbi." 38 Iphontshi Maliy kankal’laan ane: "Nde nso abol Kum", "Bikim bikeph’t mbok antwootween." A mbis akun Ntshol kanswoolaan, kieenaan.