Luke 9

Yish atom bieentsh ishieeng baphey

1 Yish kakwekaan bieentsh isheeng baphey, kabayekaan bonon’l akol bukum bu bieeng mieen mikim mibey kamotsh ikaam ibow maal. 2 Kabatomaan ikaam ishaang’l lashaang lasek la bunyim bu Ntshièm kamotsh bambo maal, 3 ✝9.3 Lk 10.4-11; Bik 13.51.kabalwoosaan ane: "Kabutol’k iket mbè imotsh ikaam i lieen mbi: aal’k mbè phaang, mbè saph, mbè diaamp, mbè phalaang mbi, kabwaal’k i nguum iphey mbi. 4 Imbet ikim yil’baan abunyey, twoosanyeeny a mbûl akun mintshiin suk el’bwiin atow a imbet ikun; 5 imbet ikim yil’baan abel mbok bunyey, butow anyeeny a bol bukun, bukumanyeeny muus mu mateem miin, elaal muna ying’t ikaam i maphetsh mabaan."

6 Bieentsh kieen baan a mal makim, bieshaang’l nswoos musek kamotsh biebow bambaak i maal a imbet ikim imbaak baan yesheem.