3 Kuya mfalume kamghutsa, "Ubama choni Esta? Nongele chaubama, naghwe kutsakwing’ighwa hata ka nusu ya ufalume wangu."
4 Esta kamwidika, "Ka kwakona pfinogha, ghwe mfalume wangu, leloli utse hamwe na Hamani kuna ichijo chanikwambikile ghweghwe mfalume."
8 Ka kwakona pfinogha, ghwe mfalume wangu, utoghole, ghweghwe na Hamani ilupfi mtse kuna ichijo chanitsowambikila. Baho nitsokulongela chanibama."
14 Zereshi, imwehe wake na sale tsake wose wamlongela apfino, "Utengenetse mbiki ghuna utali wa futi sabini na tano, na ilupfi nemitondo ulonge na mfalume, Modekai yakomelighwe amwo, baho kutsakwingila na mfalume mna ichijo kwa ndeng’elo." Imbuli ayo imnoghelesa Hamani, naye ketengenetsa ghumbiki ghwa ukukomela.