1 Mfalume Ahasuero kawalaghitsa iwanu iwokala muisi na iwokala mna ipfisiwa walihe kodi. 2 Matendo makulu na ghana ingupfu ghayatendile, hamwe na imbuli yose pfayamwongetsele ukulu Modekai na kumtenda yatunyighwe ng'ani, pfose pfandikighwa mna ichitabu cha Kumbukumbu tsa wafalume wa Media na Perisia. 3 Modekai, ayula myahudi kakala wakeli kwa ukulu kulawa mfalume Ahasuero. Katogholeka ng'ani na kuhulikitsighwa na Wayahudi, kwaapfila tsakawatendela ighanoghile iwanu wake na kuwabamila ukuka la tseghamba mweleko ghwao ghwose.