3 Malikia Esta kamwidika, "Ghwe mfalume, ka kwakona pfinogha, unendele chanilomba, nolomba nene nighenddele kukala mgima, na iwanu wangu nawo waghendelele kukala wagima. 4 Kwaapfila nene na iwanu wangu tuutsighwa kwa iwanu wangi, nawo watsotuhinya, watsotukoma na kututenda tuhupe ghendo. Ka tung’autsighwe tuwe watumwa wamale na mapinga, nene ning’enyamale tulu, ning’alekile kutsa kukutsupfa mfalume kwa ukughanzika ako!"
9 Haribona, yumwe wa iwatumighwa iwamsang’anile mfalume, kalonga, "Ghwe mfalume, Hamani katengenetsa mbiki ghwa kumkomela Modekai, munu iyaukombole ugima wako. Ghumbiki aghwo ghuna utali wa futi sabini na tano, ghwabaho hakaye yake."
Baho mfalume kalaghitsa, "Mkondekeni mumo Hamani." 10 Naye Hamani kakondekighwa mumo mna ghumbiki ghwa ukukomela ghwayatengenetse yamkome Modekai. Na baho imaya ya mfalume itsigha.