20 Bale, tshə âfɔ ə gû na ye mâ ndə abä nə je.
«Alɔ ə̂në tshə sə̂ pə ngrʉ̂, tə̂ tshelə manda nə, abä nə wû ətshə, əyo ye mbrə̂ ətshə, tshə kpê pra tshitshi ye ə têgbɔ ətshə lə əkro ye ə ɔ̂ ama ye. 21 Əgblə nə pâ kə ətshə ə pa: "Abä, mə mâ nyaka kə Ndjapä ə mâ kə əbə ndje, mə lï lï ndə kə pa bə kwatə̂zə ə e əmə tə ɨrɨ zə ne." 22 Bale, abä nə pâ kə alayïkosəra nə̂ ye ə pa: "E nä katshä də ləba ə̂në ə fʉ wââ kɔ ə yï gâ tə̂ ye. E yï bingi gâ tə̂ yana kəna ye ə yï tama gâ tə̂ ə̈nü ye. 23 E zä pagra əjerɔ ə wö ətshə, a zɨ̈ rəgo ə dü ə̂rû. 24 Mbrə ə̂në ɨrɨ əmə səye, tshə tshû gâ ye â shê kɔ. Tshə yû gâ ye â mə sɔ̂tə̂ ye kɔ!" Bale, əndje vɔ̂tə̂ kə du ə̂rû.