ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
ማኣዶ ዴንቃኒ ሺኢቂንቴ ሺኢጲሢ
1 ናንጊና ናንጋ ጎዳሢዮ!
ዎማ ሄላንዳኣና ኔኤኒ ታና ዋላይ?
ናኣናና ጋፒ ኔ ታና ዋላንዳ?
ዎማ ሄላንዳኣና ታ ዓኣፓፓ ኔኤኒ ኔና ሺርሻይ?
2 ታ ማሊፆና ታኣኒ ሞኦቲንታሢ
ታ ዒኖና ሮኦሮ ጉቤ ታኣኒ ዖያሢ
ዓይዲ ሄላንዳኣናዳይ?
ዓይዲ ሄላንዳኣና ታ ሞርካሢ
ታና ባሺ ናንጋንዳይ?
3 ናንጊና ናንጋ ጎዳ ማዔ ታ ፆኦዛሢዮ!
ሃዳራ ታና ዛጌ፥ ታ ጋዓ ባኮ ዋይዜ፤
ሃይቄያ ማዒ ጊንዒ ታ ዓቱዋጉዲ
ዶዱሞ ታኣም ዒንጌ።
4 ታ ሞርካ፦ «ኑ ዒዛ ባሼኔ» ጌይ ሄርሺንታንዳጉዲ
ታ ሎኦሚፆና ዔያቶ ዎዛሲፖ።
5 ታኣኒ ኔኤኮ ጋፑዋ ናሹሞ ጉሙርቃኔ፤
ዒና ታኣኮ ኔ ዓውሴሢሮ ዎዛዻኔ።
6 ናንጊና ናንጋ ጎዳሢዮ!
ኔኤኒ ታኣም ኮሺ ባኣዚ ማዼሢሮ
ኔ ቦንቾም ታ ዓይናዻኔ።