ዓይኑሞ ማፃኣፖ 130

ፂዮኔ ኬዞ ዓይኑሞ

ፆኦሲ ማኣዳንዳጉዲ ሺኢቂንቴ ሺኢጲሢ

1 ናንጊና ናንጋ ጎዳሢዮ! ዼኤፒ ዖዪሢዳ ዓኣዖ

ኔ ታና ማኣዳንዳጉዲ ኔ ባንሢ ታ ዒላታኔ።

2 ጎዳሢዮ! ታ ሺኢቃ ሺኢጲፆ ዋይዜ፤

ኔ ዋያ ታኣኮ ዒላቶ ዋይዛያ ማዖም።

3 ኔኤኒ ኑኡኮ ጎሞ ኮጲሳያ ማዔቴ

ዖኦኒ ፒዜ ማዒ ሜቶ ዔኩዋ ዓታንዳይ?

4 ጋዓንቴ ኔና ኑ ቦንቻንዳጉዲ

ኑኡኮ ጎሞ ኔኤኒ ዓቶም ጋዓኔ።

5 ታኣኒ ናንጊና ናንጋ ጎዳ ጶቂሢ ካፓኔ፤

ታ ሼምፓሢያ ዒዛ ጊቢ ካፓኔ፤

ዒዛኮ ቃኣሎዋ ታ ጉሙርቃኔ።

6 ዛቤ ካፓ ዓሲ ሳዓ ካራንዳጉዲ ኮዓያይዳፓ ባሼ

ታኣኒ ናንጊና ናንጋ ጎዳ ጶቂሢ ካፓኔ።

7 ዒስራዔኤሌ! ዒዛኮ ናሹማ ናንጊና ናንጋያ ማዔሢሮ

ዓሲ ዓውሳኒያ ዎልቄ ዓኣያ ማዔሢሮ

ናንጊና ናንጋ ጎዳይዳ ሃጋ ዎዛ ጌሢ ጉሙርቄ።

8 ናንጊና ናንጋ ጎዳ ፔኤኮ ዴሮ ዒስራዔኤሌ

ዔያቶኮ ጎሞ ቢያይዳፓ ዓውሳያኬ። ✝130፡8 ማቲ. 1፡21፤ ቲቶ 2፡14።