1 ናንጊና ናንጋ ጎዳ ማዔ ኑ ፆኦዛሢዮ!

ሱንፃ ኔኤኮ ሳዖ ቢያይዳ ዼኤፒ ዔርቴያኬ።

ኔኤኮ ቦንቻኣ ጫሪንጮኮ ዑፃ ማዒ ዼጌኔ።

2 ኔ ሞርኮኮ ዻንጎ ባይዛኒ

ዻኮ ናኣቶንታ ዻንፆ ዻንቃ ናኣቶንታ ኔና ጋላታንዳጉዲ ኔ ማሄኔ። ✝

3 ኔ ማዤ ጫሪንጮ ታ ዛጋኣና

ፔ ቤዛ ቤዛ ኔኤኒ ጌሤ

ዓጊኖንታ ዦኦጋሢንታ ታ ዛጋኣና

4 ኔ ማሊ ጶቂሣንዳጉዲ ዓሲንሢ ዓይጎ ባኣዚዳይ?

ሃሣ ኔ ዔያቶ ዛሎ ማላንዳጉዲ ዓሲ ዓይጌንዴዳይ? ✝

5 ኪኢታንቻ ዓኣ ጎይፃፓ ዻካሮ ኔ ዔያቶ ኬይሴቴያ

ቦንቾና ዼኤፑሞና ኔ ዔያቶም ዒንጌኔ።

6 ኔ ማዤ ባኮኮ ቢያ ዑፃ ማሂ

ዔያቶ ኔኤኒ ዶኦሬኔ፤

ቢያ ባኮ ዔያታ ዎይሣንዳጉዲ ኔኤኒ ማሄኔ። ✝

7 ማራቶንታ ባኣቶንታ፥ ካዮ ቦዖዋ ዓይሱዋዖ

8 ጫሪንጮ ካፖንታ ባዞ ሞላሢንታ

ባዞ ዋኣፆ ዴማ ናንጋ ባኮ ቢያ

ዔያታ ዎይሣንዳጉዲ ኔኤኒ ማሄኔ።

9 ናንጊና ናንጋ ጎዳ ማዔ ኑ ፆኦዛሢዮ!

ሱንፃ ኔኤኮ ሳዖ ቢያይዳ ዼኤፒ ዔርቴያኬ።