ዓይኑሞ ማፃኣፖ 82

ዓሳኣፔ ዓይኑሞ

ፆኦሲ ቢያፓ ዑሣ ማዔሢ

1 ፆኦሲ ጫሪንጮ ቡኪንቶይዳ

ሜሌ ፆኦዛ ቡካ ቡኪንቶይዳ

ሙኪ ጴዺ ዎጌ ዎጋኔ፦

2 «ዎጎ ዒንሢ ፒዜ ዎጉዋኣሢ ዎማ ሄላንዳኣናዳይ?

ፑርቶ ዓሶ ማኣዲ ዒንሢ ጌስታሢ ዓይዲ ሄላንዳኣናዳይ?

3 ዎልቃባኣ ዓሶና ዜኤሮ ናኣቶናም ፒዜ ዎጉዋቴ፤

ሜታዼሢና ማንቃሢና ሄርቂንቱዋጉዲ ማዹዋቴ።

4 ዒጊኒ ባኣሢና ሜታዼሢና ሄሊ ዓውሱዋቴ፤

ሄርቂ ዎይሣ ዓሶይዳፓ ዔያቶ ዓይሱዋቴ።»

5 «ዔራቶና ማሊ ጶቂሥሢና ዒንሢኮ ባኣሴ፤

ዹሚዳ ሴካ ሃንጋ ዒንሢ ሃንታኔ፤

ሳዖኮዋ ዴማ ቢያ ካራና ዓጊፄኔ።

6 ታኣኒ፦ ‹ዒንሢ ፆኦዞኬ፤

ቢያሢ ዒንሢ ዼኤፖ ፆኦዛሢ ናኣቶኬ› ጌዔኔ። ✝82፡6 ዮሃ. 10፡34።

7 ጋዓንቴ ዒንሢ ዓሲ ሃይቃ ጎይሢ ሃይቃንዳኔ፤

ዎይሣ ሱኡጎ ጎይፆ ጉሪ ዒንሢ ሎኦማንዳኔ።»

8 ፆኦሲዮ! ዔቄ፤

ሳዖ ዴሮ ዑፃ ቢያ ዎጌ፤

ዴራኣ ቢያ ኔኤሮኬ።