ቆሬ ናኣቶኮ ጋላታ ዓይኑሞ
ዬሩሳላሜ ሄርሾና ሄርሺሢ
1 ናንጊና ናንጋ ጎዳ ካታሞ ፔኤሲ
ዱማዼ ዹኮ ቶኦካ ዔቂሴኔ።
2 ናንጊና ናንጋ ጎዳ ያይቆኦቤኮ ዎርቆ ማኣራፓ ባሼ
ፂዮኔኮ ጌሎ ካሮ ናሽካኔ።
3 ፆኦሲ ካታሜሌ!
ቦንቾ ማዔ ባኣዚ ሂዚ ጌይ ኔ ዛሎ ኬኤዚንታንዳኔ፦
4 «ታና ዔራዞንሢ ባኣካ
ጊብፄንታ ባብሎኔንታ ታኣኒ ፃኣፓንዳኔ፤
ፒሊስፄኤሜንታ ፂሮሴንታ ዒቶጲያ ዓሳኣ ዒኢካ ሾይንቴኔ።
5 ጎኔና ፂዮኔ ዛሎ፦ ‹ሃያ ዴሮንታ ዬያ ዴሮንታ ዒዞይዳ ሾይንቴኔ፤
ዼኤፖ ፆኦዛሢ ፔኤሮ ዒዞ ዶዲሺ ዔቂሳንዳኔ› ጌይንታንዳኔ።
6 ናንጊና ናንጋ ጎዳ ዴሮ ፔኤሲ ፃኣፓ ዎዶና
‹ሃይ ዴራ ሾይንቴሢ ዒኢካኬ› ጌይ ፃኣፒንታንዳኔ።
7 ዓይኑሞ ዓይናዻ ዓሶንታ ኮፆ ኮርጋ ዓሳ
‹ሃያ ዓንጆኮ ቢያ ካሬላ ፂዮኔኬ› ጌይ ጌይ
ዎዛና ዓይናዻንዳኔ።»