ዓሲኮ ፑርቱሞ

1 ዔኤዮ ዓሳ ፔ ዒኖና፦ «ፆኦሲ ባኣሴ» ጋዓኔ፤

ዬያጉዴ ዓሳ ማኣሳኔ ዓሲኬ፤

ዔያታ ሻኣካ ማዾ ማዻኔ፤

ዔያቶ ባኣኮይዳ ኮሺ ባኣዚ ማዻ ዓሲ ፔቴታዖ ባኣሴ።

2 ማሊ ጶቂሣ ዓሲንታ

ናንጊና ናንጋ ጎዳ ኮዓ ዓሲያኣ ዓኣቶ ዴንቃኒ

ናንጊና ናንጋ ጎዳ ጫሪንጫፓ ሊካ ዓሶ ዛጌኔ።

3 ጋዓንቴ ዓሳ ቢያሢ ዣኣሌኔ፤

ጉቤሢ ፔቴ ማዒ ፑርቴኔ፤

ዔያቶይዳፓ ፔቴ ዓሲታዎ ኮሺ ማዻይ ባኣሴ። ✝14፡3 ሮሜ 3፡10-12።

4 ናንጊና ናንጋ ጎዳ፦ «ፆኦሲ ዔሪ ሺኢቁዋ ዓሶኮ

ታኣኮ ዴሮ ዓዳ ካሣጉዲ ሙዓ

ፑርቶ ማዻ ዓሶኮ ማሊ ጶቂሣ ዒኔ ባኣዓዳ?» ጋዓኔ።

5 ናንጊና ናንጋ ጎዳ ፂሎ ዓሶ ባኣካ ዓኣሢሮ

ዔያታ ዓኣ ቤዛ ዓኣዖ ዲቃቲ ጋፔኔ።

6 ዒንሢ ማንቆ ዓሶኮ ማሊፆ ዹቃኒ ማሌያታቴያ

ናንጊና ናንጋ ጎዳ ጋዓንቴ ዔያቶኮ ጊቲማሢኬ።

7 ዒስራዔኤሌ ዓሶም ዻቂንታ ፂዮኔይዳፓ ሙካቴ ዓይጎ!

ናንጊና ናንጋ ጎዳ ፔ ዴሮኮ ዲዒንቴ ባኮ ማሃ ዎዶና

ያይቆኦቤ ዎዛዻንዳኔ፤

ዒስራዔኤሌ ዴራኣ ዒላሻንዳኔ።