ዓይኑሞ ማፃኣፖ 51:1,2,4-9

ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ፤ ዳውቴ ቤርሳቤሄ ዒኢሴያና ፆኦሲ ማሊፆ ኬኤዛ ናኣታኔ ሙኪ ዒዛ ጎሬኔ።

1 ፆኦሲዮ! ኔኤኮ ኮሹሞጉዴያ ታና ማኣሬ፤

ኔኤኮ ሚጪንቲፆ ሚርጉሞና

ዻቢንቶ ታኣኮ ዓቶም ጌዔኔ። ✝51፡1 2ሳሙ. 12፡1-15።

2 ዻቢንቶ ታኣኮ ጋፒሲ ማስኬ፤

ታ ጎማፓ ታና ጌኤሼ።

4 ታኣኒ ዋይዞ ዒፄሢ ኔኤምኬ፤

ታ ኔ ቤርታ ፑርታ ባኣዚ ማዼኔ፤

ኔኤኒ ዒፃ ባኮ ታ ማዼኔ፤

ዬያሮ ኔኤኒ ታኣም ዎጌ ዎጊፆና

ሜታሢያ ሄሊሴሢ ፒዜኬ። ✝51፡4 ሮሜ 3፡4።

5 ታ ዒንዳ ታና ጎጳዼማፓ ታኣኒ ጎሜናኬ፤

ሾይቴማፓ ዓርቃዖ ታ ዻቢንቴያኬ።

6 ኔኤኒ ፒዜ ማዒሢና ጎኑሞና ናሽካሢሮ

ኔ ዔራቶኮ ዓኣሺንቴ ባኮ ታና ዔርዜ።

7 ሂሶጴ ዒላዦና ታና ኮርዴ፤

ታኣኒያ ጌኤሽካንዳኔ፤

ታና ማስኬ፥ ሻቺዳፓ ባሼ ታኣኒ ቦኦራንዳኔ።

8 ዎዛ ዑኡሲ ኔ ታና ዋይዚሴ፤

ኔ ታኣኮ ሜንሤ ሜጌፃ ዎዛዻንዳኔ።

9 ታኣኮ ጎሞ ዛጊፖ፤

ዻቢንቶዋ ታኣም ዓቶም ጌዔ።