1 Jon 2

12 Yēhē yantintik, nok yap neletes gōh van hiy kimi

veg Ḡod mal dēmveteg negengenyeg nonmi heylō Tigsas Kraēs.

13 Yēhē kimi ige imam, nok yap van hiy kimi

veg kimi mal ēglal kē mey a mal tog yak tetō me mahē a namyam tateh qete.

Yēhē lōmlōmgep, nok yap van hiy kimi

veg kimi mal lalaket goy Nuvu Het*2:13 Nuvu Het Nuvu Het en, ikē Satan..

14 Yēhē yantintik, nok yap van hiy kimi

veg kimi nēglal Imam.

Yēhē kimi ige imam, nok yap van hiy kimi

veg kimi mal ēglal im̄ey a kē mal tog yak tetō me mahē a namyam tateh qete.

Yēhē lōmlōmgep, nok yap van hiy kimi

veg kimi namaymay,

wa veg nohohole non Ḡod notog hay letqami,

wa veg kimi may lalaket goy Nuvu Het.

Nitog mōyōmyōs namtevun ige et telemyam

15 Atmi nitog tamtam namyam wa nahaphap van alon en. So net wo nitam namyam en, tō natamtam non Imam tateh mi kē.