19 Sōwlē, yathithik wa yatētētek, itōk so gēn van me lengon Ḡod ba nitog mētēgteg. Veg naday non Tigsas mak tō gēn tahayveg vēh van Mahē Yon̄. 20 Veg Tigsas mukēg van nataqn̄ēn so niwak namtehal gayaq heylō namalmal a nadam goy Mahē Yon̄ nan. Wa veg kē nēh, tō namtehal nongēn nataywah. 21 Kē nitiy pris liwo nongēn a kē nam̄agoy ige sil lēm̄ non Ḡod.

22 Sōwlē, itōk so gēn van sisqet me hiy Ḡod, mi nitiy dēmdēm vitwag wa nēdēmtig mey a namaymay. Ukēg Kraēs so niak wenwen gēn alon wa aslil. Kraēs mal tetn̄eg naday nonon lelo taqangēn so lepyak namayge ne bug nongēn. Wa kē mal oh nataqn̄ēngēn mi nēbē mey nemyeyen.