Nipris Liwo tam̄ag a Melkēsēdek
1 Dēm tow van nakaka veg Abraham kōyō Melkēsēdek.7:1 Genesis 14:14-20 Vag tiwag Abraham mepgapgal tiwag mi yatkel mayanag tegtegha. Tō Abraham malalaket goy kēy, tō melepyak qēt namlay den kēy. Mahē Abraham mōm̄ōl lok me den napgal nan en, kē metsas Melkēsēdek. Melkēsēdek gōh, kē namyanag liwo lelqelqevōnō Salem, wa kē nipris non Ḡod a neketket yeh. Tō Melkēsēdek mavawē Abraham. 2 Wa tō Abraham mohog natayt van hiy Melkēsēdek. Nahah a Melkēsēdek en, nēdēmdēm nan alon so "Mayanag mey a netnenen lengon Ḡod." Wa tō nahah vōyō negi en, so "Mayanag Tasalem," nēdēmdēm nan so, "Mayanag ne Tam̄at."
Melkēsēdek neketket veteg Abraham wa ige pris Tujuw
4 !Et tow van hiy Melkēsēdek en, ikē neketket a neketket yeh! Tamayge Abraham mohog van hiy kē namlan vivitwag den son̄son̄wul den nahaphap a kē melep mimiy ēwē tō.
9 Levi en, kē nileplep me namlan den ige sil. Ba mahē Abraham mohog namlan hiy Melkēsēdek en, mey gōh qeleso Levi mahgen mohog van namlan heylō Abraham. 10 Veg Levi niginwotwot non Abraham. Bastō Melkēsēdek neketket den Levi.