Hebreus 8

6 Ba togtōkē namgumgu non Kraēs nitiy wē yeh den namgumgu namun ige pris tam̄ag, qeleaso nakavanan nonon Tigsas nitiy wē yeh den nakavanan tam̄ag. Veg nahaphap a Ḡod mavatvat heylō Tigsas en, kēy itōk veteg navatvat tam̄ag.

Ḡod so leh nakavanan tam̄ag mi nakavanan gayaq

7 Nakavanan tam̄ag mavan heylō me Mosis. So nakavanan nan tēwē tō en, togtō tateh kavanan tegha se. 8 Ba Ḡod mitil bōwōn ige sil veg kēy et tatag te nele ne kavanan nan. Tō Ḡod mavap so,

Welan Ḡod vap so, "!Yēhē! Mahē vanvan tege tō en

a no qoyo lep nakavanan gayaq van hiy ige ginwotwot Tisrael

wa hiy ige ginwotwot Tujuda.*8:8 Leves gōh nihole gatay ige ginwotwot Tisrael tiwag mi ige ginwotwot Tujuda. Ba kōyō vitwag ēwē. Nahah vōyō gōh so hole gatay ige Juw.

9 Ba et qele te nakavanan a no melep tō van hiy ige tamatmayge nonoy.

Lamahē nen no mētēy namney, tō melep lō kēy den Itsip,

ba kēy et dēmap te nakavanan nan,

tō veg bege gōh en,

ino Welan, tō no mavap so no tit dēmsas se vēhte kēy.

10 Bastō nakavanan gayaq a no telep van hiy ige ginwotwot Tisrael en, qelegēn.

No tōm̄ōk nele mino lēdēmdēm nonoy,

tō no tayap van lelo taqay.

Tō no tavan me Ḡod nonoy,

wa tō kēy tavan me ige mino.

11 Tō tateh et se tavatne ēthēn si so ige telepnō nonon a so,

‘Ey, nēk van me ēglal Ḡod.’ Tateh.

Veg ige del qēt tēglal no,

teqtēg mi ige woywoy, dēn̄ ige a neketket yeh.

12 Veg no temgaysēn kēy wa tēdēmveteg nēmgōy,

wa negengenyeg nonoy, no tit dēmsas lok vēhte."✝8:12 Jeremiah 31:31-34

13 Mahē a Ḡod mohohole gatay nakavanan gayaq gōh en, nēdēmdēm nan so nakavanan tam̄ag mal leh. Tō nahaphap tēnēte mey mal leh en, sisqet niqleqlen̄.