1 सिनार को राजा अम्रापेल, अऊर एल्लासार को राजा अर्योक, अऊर एलाम को राजा कदोर्लाओमेर, अऊर गोयीम को राजा तिदाल को दिन हुन म असो भयो, 2 कि यी राजा हुन न सदोम को राजा बेरा, अऊर अमोरा को राजा बिर्सा, अऊर अदमा को राजा सिनाब, अऊर सबोयीम को राजा समेबेर, अऊर बेला जेका सोअर भी कहा है, यी राजा हुन को संग म युध्द करियो। 3 यी पाँच राजा सिद्दीम की झिलान एकोमतलब मुर्दा सागर जीव जन्तु वहा जिन्दा नी रहवा वहा इकट्ठा भया। 4 बारह साल लक तो यी कदोर्लाओमेर को अधीन म रहयो; पर तेरवो साल म ओको खिलाप म लड़ाई कर दियो। 5 चऊड़ो साल म कदोर्लाओमेर अऊर ओका संगी राजा आया, अऊर असतरोत्कनम म रपाइयो ख, अऊर हाम म जूजियो को, अऊर साबेकिर्यातैम म एमियो का, 6 अऊर सेईर नाम कि पहाड़ प होरी हुन ख मारते-मारते ऊ एल्पारान लक जो जंगल को जोने है, पहुँच गया। 7 वहाँ से वी लऊट ख एन्मिसपात ख आया, जेका कादेस भी कैलाय है, अऊर अमालेकी हुन को पुरो देस ख अऊर वी एमोरी हुन ख भी जीत लियो, जे हससोन्तामार म रहवा है। 8 तब सदोम, अमोरा, अदमा, सबोयीम, अऊर बेला, जेका सोअर भी कैलाय है; इनका राजा निकलिया अऊर सिद्दीम नाम की झिलान म, उनको संग युध्द को लाने कतार बनाई पाँति बाँधी। 9 एकोमतलब एलाम को राजा कदोर्लाओमेर, गोयीम को राजा तिदाल, सिनार को राजा अम्रापेल अऊर एल्लासार को राजा अर्योक यी चारी को लाने वी पाँची न कतार म दल पाँत बनायो 10 सिद्दीम नाम कि झिलान म जहाँ लसार मट्टी ख गड्ड़ा ही गड्ड़ा हता; सदोम अर अमोरा को राजा भगते-भगते उनमा गिड गयो, अऊर जे बचे वी पहाड़ पा भाग गया। 11 तब वी सदोम अर अमोरा को पुरो धन अऊर खान पिन की चीज हुन ख लुट लाट ख चल दियो। 12 अऊर अब्राम को भतिजा लूत, जो सदोम म रहवत रा, ओका भी वी धन समेत लेखा चल दिया। 13 तब एक जन जो भग ख बच गयो रा ओना जा ख इब्री अब्राम ख खबर दियो; अब्राम तो एमोरी मम्रे, जो एस्कोल अऊर आनेर को भई हतो, ओका बांज झाड़ को बीच म रहत रह; अऊर यी इंसान हुन न अर्बाम को संग म करार करी रा। 14 जब ओना यू सुन्यो कि मोरो भतीजा ख बन्दी बना ख पकड़ ख ले गया है, अब्राम न ओका तीन सऊ अठारा युध्द विध्या सिखिया वाला लड़ाकू म लड़ाई म पारंगत दास हुन ख लेखा जे ओका कुटुम्ब म पैदा भया रा, अस्त्र-सस्त्र पहिन ख दान तक उनको पीछा करयो; 15 अऊर रात ख अब्राम न अपना सेवक हुन ख अगल-अगल दल बाँध ख उन प चढ़ाई कर ख उन ख मार लियो अर होबा लक, जे दमिस्क को उत्तर की तरफ है; उनको पीछा करयो। 16 अऊर ऊ पूरो धन ख, अऊर ओको भतीजा लूत अर ओको पुरा धन ख अर ओरत हुन ख, अर सब बन्दी बनाया वाला ख लउटा ख ले आयो।

17 जब ऊ कदोर्लाओमेर अऊर ओका साथी राजा हुन ख जीत ख लऊटा ख लात रा तब सदोम को राजा सावे नाम कि झिलान म, जो राजा की झिलान भी कहलावा है, ओसे मिलन को लाने आयो। 18 तब सालेम को राजा मलिकिसिदक, जो परमप्रधान परमेस्वर को पुजारी हतो, रोटी अर दाखमधु ले आयो। 19 अऊर ओना अब्राम को असो आसीर्वाद दियो, "परमप्रधान परमेस्वर कि तरफ से, जो बददल अर जमीन को मालीक है, तोरी जय होय। 20 अऊर जय हो परमप्रधान परमेस्वर, जोना तोरा बैरी हुन ख तोरो बस म कर दियो है।" तब अब्राम न ओका सब चीज हुन को दसवो अंस दियो। 21 तब सदोम को राजा न अब्राम से कहयो, "इंसानहुन हुन ख तो मोका दे, अऊर धन ख अपनो जोने रख।" 22 अब्राम न सदोम को राजा से बोल्यो, "परमप्रधान परमेस्वर यहोवा जे बध्दल अऊर धरती को हकदार है, 23 ओकी मी कसम खाऊँ है, कि जे कुछ तोरो है ओमन से न तो मी एक सूत, अर न पनई कि तंनी, न कोई अऊर चिज लेऊँगो कि तु असो नी कहन पायो कि अब्राम मोरो ही वजे से धनी भयो। 24 पर जे कुछ यी जवान हुन न खा लियो है अऊर उन को हिस्सा, जे मोरा संग गया रा एकोमतलब आनेर, एस्कोल, अऊर मम्रे, मी नी लऊटान को, वी ते अपनो अपनो हिस्सा रख लें।"