1 ई बात हुन को बाद कोई न यूसुफ से कहयो, "सुन, तोरो बाप बीमार है।" तब वाहा मनस्से अऊर एप्रैम नामक अपनो दोई पोरिया हुन ख संग ले ख ओको जोने चलयोे। 2 कोई न याकूब ख बता दियो, "तोरो पोरिया यूसुफ तोरो जोने आवा है," तब इस्राएल अपनो ख सम्भाल ख खाट प बैठ गयो। 3 अऊर याकूब न यूसुफ से कहयो, "सर्वसक्तिमान परमेस्वर न कनान देस को लूज नगर को जोने मो ख दर्सन दे ख आसीस दियो,✝ 4 अऊर कहयो, सुन, मी तो ख फलवन्त कर ख बढ़ाऊँगो, अऊर तो ख राज्य-राज्य को मण्डली ख मूल बनाऊँगो, अऊर तोरो बंद तोरो खानदान ख यू देस दूँगो, जसो कि वाहा हमेसा लक उन की खुद कि जमीन बनी रहे।" 5 अऊर तब तोरो दोई पोरिया हुन, जे मिस्र म मोरो आवन से पहले पैदा हुआ है, वी मोरो ही ठहरेगो; अर्थात जे रीति से रूबेन अऊर सिमोन मोरो है, उही रीति से एप्रैम अऊर मनस्से भी मोरो ठहरेगो। 6 अऊर उन को बाद तोरी जे सन्तान पैदा होय वाहा तोरो ते ठहरेगो; पर बटवारा को बखत वी अपना भाई हुन ही को खानदान म गिनो जाएगो। 7 जब मी पद्दान से आतो थो, तब एप्राता पहिचान से थोडी ही दुर पहले राहेल कनान देस म, रस्ता म, मोरो सामे मर गाई; अऊर मी न ओ ख वाही, अर्थात एप्राता जे बैतलहम भी कहलावा है, उही को रस्ता म मिठ्टी दी।✝ 8 तब इस्राएल ख यूसुफ को पोरिया देख पडीयो, अऊर ओ न पुछयो, "यी कोन आय?" 9 यूसुफ न अपनो बाप से कहयो, "यी मोरा पोरिया है, जे परमेस्वर न मो ख याहा दियो है।" ओ न कहयो, "उन ख मोरो जोने ले आ कि मी उन ख आसीर्वाद देहु।" 10 इस्राएल की आँख बुढ़ापे को वजे से धुन्धली होय गई थी, याहा लक कि ओ ख कम सूझतो थो। तब यूसुफ उन ख उन को जोने ले गयो; अऊर ओ न उन ख चुम ख गलो लगा लियो। 11 तब इस्राएल न यूसुफ से कहयो, "मो ख आसा न थी कि मी तोरो मुख फिर देखन पीऊगो: पर देख, परमेस्वर न मो ख तोरो खानदान भी दिखायो है।" 12 तब यूसुफ न उन ख ओको घुटना को बीच से हटा ख अऊर अपनो मुँह को बल जमीन प गिर ख दण्डवत् करो। 13 तब यूसुफ न उन दोई ख ले ख, अर्थात एप्रैम ख अपनो दाहिनो हात से कि वाहा इस्राएल को बायो हात पडे, अऊर मनस्से को बाएँ हात से कि वहा इस्राएल को दाहिनो हात पड़े, उन ख ओ को जोने ले गयो। 14 तब इस्राएल न अपनो दाहिनी हात बढ़ा ख एप्रैम को सिर पर जे छोटो थो, अऊर अपनो बायो हात बढ़ा ख मनस्से को सिर प रख दियो; ओ न जान बूझ ख असो करियो नी ते बडो मनस्से ही थो। 15 फिर ओ न यूसुफ को आसीर्वाद दे ख कहयो, "परमेस्वर जेको जोने मोरो बाप दादा अब्राहम अऊर इसहाक चलो, वाहा परमेस्वर मोरो जनम से ले ख आज को दिन लक मोरो चरवाहा बनो है;✝ 16 अऊर वाही दूत मो ख पुरी बुराई से छुडाते आवा है, वाही अब इन पोरिया हुन ख आसीस दे; अऊर यी मोरा अऊर मोरो बापदादा अब्राहम अऊर इसहाक को कहलाए; अऊर धरती म बहुतायत से बढ़ो।" 17 जब यूसुफ न देखो कि मोरो बाप न अपनो दाहिनो हात एप्रैम को सिर प रखयो है, तब याहा बात ओ ख बुरी लगी; ऐकोलाने ओ न अपनो बाप को हात यू विचार से पकड़ लियो कि एप्रैम को सिर प से उठा ख मनस्से को सिर प रख दा। 18 अऊर यूसुफ न अपनो बाप से कहयो, "हे बाप, असो नी; काहेकि बडो यूही है; अपनो दाहिनो हात ऐको सिर प रखे।" 19 ओको बाप न कहयो, "नी; सुन, हे मोरो पोरिया, मी या बात को भली भाँति जानु है: यघपि येसे से भी अदमी हुन की एक मण्डली पैदा होगी, अऊर वाहा भी महान हो जाएगो, तेभी ऐको छोटो भाइ ऐसे जादा महान हो जाएगो, अऊर ओको खानदान से बहुत सी जाति हुन निकलेगी।" 20 फिर ओ न उही दिन याहा कह ख उन ख आसीर्वाद दियो, इस्राएली लोग तोरो नाम ले ले ख असो आसीर्वाद दियो करेगो, "परमेस्वर तो ख एप्रैम अऊर मनस्से को समान बना दे," अऊर ओ न मनस्से से पहलो एप्रैम को नाम लिओ। 21 तब इस्राएल न यूसुफ से कहयो, "देख, मी तो मरन पर हूँ: पर परमेस्वर तुम लोग हुन को संग रहेगो, अऊर तुम ख तुम्हारो पितरो को देस म फिर पहुँचा देगो। 22 अऊर मी तो ख तोरो भाई हुन से जादा जमीन* को भाग देऊ है, जो ख मी न एमोरी हुन को हात से अपनी तरवाल अऊर धनुस को बल से ले लिओ है।"✝