उत्पत्ति 35

परमेस्वर याकूब को बेतेल म आसीस देनो

1 तब परमेस्वर न याकूब से कहयो, "यहाँ से निकल ख बेतेल ख जा, अऊर वही रह; अऊर ऊ परमेस्वर को लाने वेदी बना, जो न तो ख ऊ बखत दर्सन दियो जब तू अपनो भई एसाव को डर से भागो जावत रह।" 2 तब याकूब न अपनो घराना से, अऊर उन सब से भी जे ओको संग थो कहयो, "तुम्हारो बीच म जे परायो देवता है, उन ख निकाल फेक; अऊर अपनो खुद ख सुध्द करो, अऊर अपना कपड़ा बदल डालो; 3 अऊर आओ, हम यहाँ से निकल ख बेतेल ख जाए; वाहा मी परमेस्वर को लाने एक वेदी बनाऊँगो, जो न संकट को दिन मोरी सुन ली, अऊर जे मार्ग से मी चल रहयो रह, ओ म मोरो संग रहयो।" 4 ऐकोलाने जित्ता पराया देवता ओको जोने हता, अऊर जितना कुन्डल उनको कान हुन म हता, उन सभी ख उन्होने याकूब ख दियो; अऊर ओ न उन को उ बांज झाड़ को नीचू, जे सकेम को जोने है, गाड़ दियो। 5 तब उन न कूच कियो; अऊर उन को चारो ओर को नगर वासी हुन को मन म परमेस्वर कि ओर से असो भय समा गयो कि उन न याकूब का पोरिया हुन को पीछा नी कियो। 6 याकूब उन पुरा झन जे ओको संग हता, कनान देस को लूज नगर ख आयो। वहा नगर बेतेल भी कहलावा है। 7 वहा ओ न एक वेदी बनाई, अऊर उ जगह को नाम बेतेल रखयो; काहेकि जब वाहा अपनो भाई को इत्ते से भागो जावत रह तब परमेस्वर उ पर वही परगट हुओ थो। 8 अऊर रिबका की दुध पिलानेहारी धाय दबोरा मर गई, अऊर बेतेल ख बांज वृक्छ को नीचू भाग म ओकी मिठ्टी दी गई, अऊर ऊ बांज झाड़ को नाम अल्लोनबक्कूत रखो गयो। 9 फिर याकूब ख पद्दनराम से आवन को बाद परमेस्वर न दूसरी बार ओको दर्सन देख कर आसीस दी। 10 अऊर परमेस्वर न ओसे कहयो, "अब लक तोरो नाम याकूब रहयो है, पर आगे को तोरो नाम याकूब नी रहेगो, तू इस्राएल कहलायेगो।" ऐकोलाने ओ न ओको नाम इस्राएल रखयो। 11 फिर परमेस्वर न ओसे कहयो, "मी सर्वसक्तिमान परमेस्वर हूँ। तू फूले-फले अऊर बढे़: अऊर तोसे एक लेकिन रास्ट हुन कि एक मन्डली भी पैदा होय, अऊर तोरो वंस म राजा पैदा होयगो। 12 अऊर जे देस मी न अब्राहम अऊर इसहाक ख दियो है, वही देस तो ख देहु है, अऊर तोरो पीछे तोरो वंस ख भी दूँगो।" 13 तब परमेस्वर ऊ जगह म जाहा ओ न याकूब से बात करी, ओको जोने से ऊपर चढ़ गयो। 14 अऊर जे जगह म परमेस्वर न याकूब से बात करी, वहा याकूब न पत्थर को एक खम्भा खड़ो करियो, अऊर ओ पर अंगूर को रस अऊर जैतून को तेल डाल दियो। 15 जहा परमेस्वर न याकूब से बात करी, ऊ जगह को नाम ओ न बेतेल रख्यो।

राहेल की माऊत

16 फिर उन न बेतेल से कूच कियो, अऊर एप्राता थोड़ी ही दुर रह गयो थो कि राहेल ख बच्चा जनन की बडी पीड़ा उठन लगी। 17 जब ओ ख बडी पीड़ा उठन लगी तब धाय न ओसे कहयो, "मत डरो; अब को भी तोरो पोरिया होगो।" 18 तब असो हुओ कि वह मर गई, अऊर प्रान निकलते-निकलते ओ न ऊ बेटा को नाम बेनोनी रखयो; पर ओको बाप न ओको नाम बिन्यामीन रखयो। 19 राहेल मर गई, अऊर एप्राता अर्थात बैतलहम को मार्ग म, ओकी मिठ्टी दी गाई। 20 याकूब न ओकी कब्र पर एक खम्भा खड़ो कियो: राहेल कि कब्र ख वाहा खम्भा आज लक बनो है। 21 फिर इस्राएल न कूच कियो, अऊर एदेर नामक गुम्मट को आगे बढ़ ख अपनो तम्बू खड़ो कियो।

याकूब को बारा पोरिया

22 जब इस्राएल ऊ देस म बसो थो, तब एक दिन असो हुओ कि रूबेन न जाय ख अपनो बाप की दासी रखेल बिल्हा को जोने गयो अऊर ओको साथ सहवास कियो याकूब न या बात सुनी। याकूब को बारा पोरिया भयो। 23 उन म से लिआ: का पोरिया यी हतो: अर्थात याकूब को जेठा रूबेन, फिर सिमोन, लेवी, यहूदा, इस्साकार, अऊर जबूलून। 24 अऊर राहेल को पोरिया यी हतो; अर्थात यूसुफ अऊर बिन्यामीन। 25 अऊर राहेल कि दासी बिल्हा का पोरिया यी हता; अर्थात दान अऊर नप्ताली। 26 अऊर लिआ: की दासी जिल्पा को पोरिया यी हता : अर्थात गाद, अऊर आसेर। याकूब का यी ही पोरिया हुन भया, जे ओसे पद्दनराम म पैदा हुआ।

इसहाक की माऊत

27 याकूब अपनो बाप को जोने मम्रे नगर (अथवा किर्यतर्बा अर्थात् हेब्रोन नगर) म आया, जाहा अब्राहम अऊर इसहाक न प्रवास कियो हतो।✝35:27 इब्रा 11:9; उत्पत्ति 13:18 28 जब इसहाक की आयु एक साऊ अस्सी साल की भई। 29 अऊर इसहाक को जान छुट गयो अऊर वाहा मर गयो, अऊर वाहा बूढ़ा अऊर पुरी उमर को हो ख अपनो लोग हुन म जा मिल्यो; अऊर ओको पोरिया एसाव अऊर याकूब न ओ ख मिठ्टी दी।