1 जब याकूब न सुन्यो की मिस्र म अन है, तब ओ न अपनो पोरिया हुन से कहयो, "तुम एक दुसरा को मुँह काहे देख रहया है।" 2 फिर ओ न कहयो "कि मी न सुन्यो है की मिस्र म अन है; ऐकोलाने तुम लोग वाहा जय ख हमारो लाने अन मोल ले आओ, जेसे हम नी मरे, पर जिन्दो रहे।"✝ 3 अत: यूसुफ ख दस भई अनाज मोल लेवन को लाने मिस्र ख गयो। 4 पर यूसुफ को भई बिन्यामीन ख याकूब न याहा सोच ख भाई हुन ख सात नी भेज्यो कि कही असो न हो की ओ पर कोई विपत्ति आ पड़े। 5 यू तरीका जे लोग अनाज मोल लेवन आयो उनको संग इस्राएल का पोरिया भी आए; काहेकि कनान देस म भी भारी अकाल थो।✝ 6 यूसुफ ते मिस्र देस को मतरी हतो, अऊर ऊ देस का सब लोग हुन ख हात वही अन बचतो रह; ऐकोलाने जब यूसुफ को भाई आए तब भूमि प मुँह को बल गिर ख ओ ख दण्डवत करियो। 7 उन ख देख ख यूसुफ न पहिचान तो लियो, पर उन को सामे भोलो बन ख कठोरता को संग उन से पुछियो, "तुम काहा से आवा है?" ऊन न कहयो, "हम कनान देस से अनाज मोल लेवन को लाने आया है।" 8 यूसुफ न अपनो भाई हुन ख पहिचान लियो, पर उन न ओ ख नी पहिचानियो। 9 तब यूसुफ अपनो ऊ सपना ख याद कर ख जे ओ न उन को बारा म देखो थो, उन से कहवन लगियो, "तुम भेद जानन ख आया; यू देस की दुर्दसा ख देखन को लाने आया हो।"✝ 10 उन न ओसे कहयो नी, हे प्रभु, तोरो दास खाना चिज मोल लेवन को लाने आया है। 11 हम सब एक ही बाप को पोरिया आय, हम सीधा अदमी आय; तोरो दास भेदिए नी। 12 ओ न ओसे कहयो, तु यू देस कि कमजोरी देखन को लाने ही आयो है। 13 उन न कहयो, "हम तोरो दास बारह भाई आय, अऊर कनान देस वासी हुन एक ही अदमी ख बेटा है, अऊर छोटो यू बखत हमारो बाप को जोने है, अऊर एक भाई नी रहयो।" 14 तब यूसुफ न उन से कहयो, "मी न तुम से कह दियो कि तुम जासुस हो; 15 अत; यू रीति से तुम परखो जाएगो, फिरोन कि जिन्दी कि कसम जब लक तुम्हारो छोटो भाई याहा नी आयो तब लक तुम याहा से न निकल नी पाएगो। 16 ऐकोलाने अपना म से एक ख भेज दा कि वाहा तुम्हारो भाई ख ले आओ, अऊर तुम लोग बन्दी रहोगे, यू प्रकार तुम्हारी बात परखी गई जाएगी कि तुम म सच्चाई है कि नी। अदि सच्चो नी ठहरो तब ते फिरोन कि जिन्दगी कि कसम तुम पक्को ही भेदिए समझो जाएगो।" 17 तब उन उन को तीन दिन लक जेल म रखयो। 18 तीसरो दिन यूसुफ न ओसे कहयो, "एक काम करो तब जिन्दो रहोगे; काहेकि मी परमेस्वर को भय मानू है; 19 अदि तुम सीधो अदमी हो तो तुम सब भाई हुन म से एक इंसान यु जेल म बन्धा रहे; अऊर तुम अपनो घरानो की भूख मिटावन को लाने अन ले जाओ, 20 अऊर अपनो छोटो भाई ख मोरो जोने ले आओ; यू प्रकार तुम्हारी बात सच्ची ठहरेगी अऊर तुम मार डाले न जाओगे।" तब उन न वसो ही कियो। 21 उन न आपस म कहयो, "नी; सन्देह हम अपनो भाई को बारे म दोसी है, काहेकि जब ओ न हम से गिड़गिड़ा ख विनती करी, तब भी हम देख ख कि ओकी जिन्दगी कसी संकट म पडी है, ओकी नी सुनी; यू वजे हम भी अब यू संकट म पडिया है।" 22 रूबेन न ओसे कहयो, "काहे कि मी न तुम से न कहयो थो कि लड़का ख अपराधी मत बनो? पर तुम न नी सूनी देखयो, अब ओका खुन ख पलटा लियो जावा है।" 23 यूसुफ की अऊर उन की बातचीत एक दुभासी हुन को दुवारा होवत रह; ऐसे उन ख मालुम नी हुओ कि वाहा उन की बोली समझ है। 24 तब वाहा उन को जोने से हट ख रोवन लगी; फिर उन को जोने लउट ख अऊर उन से बात चित कर ख उन म से सिमोन को छाँट निकायो अऊर उन को सामे ओ ख बन्दी बना लियो।

25 तब यूसुफ न हुकुम दियो कि उन को बोरा म अन से भरो अऊर एक एक जन को बोरा म ओका पैसा* ख भी रख दा, फिर उन को रस्ता को लाने खाना चिज दा। अत; उन को साथ असो ही करियो गयो। 26 तब वी अपना अन अपनो गधा हुन पर लाद ख वाहा से चल दियो। 27 सराय म जब एक न अपनो गदहे ख चारा देवन को लाने अपनो बोरा खोल्यो, तब ओका पैसा बोरा म मूँह पर रखो हुओ दिखलाई पडीयो। 28 तब ओ न अपना भाई हुन से कहयो, "मोरो पैसा ते लउटा दिया गया है; देखो, वाहा मोरो बोरा म है," तब उन को जी म जी नी रहयो, अऊर वी एक दुसरा कि ओर भय से ताकन लगिया, अऊर बोल्या, "परमेस्वर न याहा हम से का कियो है।" 29 तब वी कनान देस म अपनो बाप याकूब को जोने आए, अऊर अपना पुरो हाल चाल यू तरीका से सुनायो: 30 जे अदमी ऊ देस को मालीक है, ओ न हम से कठोरता को साथ बात करी, अऊर हम ख देस को जासुस कहयो। 31 तब हम न ओसे कहयो, "हम सीधा लोग है, जासुस नी आय। 32 हम बारा भाई एक ही बाप का पोरिया आय; एक तो जाते रयो, पर छोटो ऊ बखत कनान देस म हमारो बाप को जोने है।" 33 तब ऊ अदमी न, जे ऊ देस को मालिक है, हम से कहयो, "येसे मालुम हो जाएगो की तुम सीधो अदमी हो; तुम अपनो म से एक ख मोरो जोने छोड़ ख अपनो घरवालो की भूख मिटावन को लाने कुछ ले जाओ, 34 अऊर अपनो छोटो भाइ ख मोरो जोने ले आओ। तब मो ख भरोसा हो जाएगो कि तुम जासुस नी, सीधो लोग हो। फिर मी तुम्हारो भाई ख मी तुम ख सोप दूँगो, अऊर तुम यू देस म लेन देन कर सकेगो।" 35 याहा कह ख वी अपना अपना बोरा से अनाज निकालन लगिया, तब का देखो कि एक एक जन ख पैसा की थेयली ओको बोरा म रखी है। तब रुपया की थेयली हुन ख देख ख वी अऊर उन को बाप बेजा डर गयो। 36 तब उन को बाप याकूब न उन से कहयो, "मो ख तुम न निर्वस कर दियो, देखो, यूसुफ नी रहयो, अऊर सिमोन भी नी आयो अऊर अब तुम बिन्यामीन ख भी ले जानो चाहाव है। यी सब विपत्ति हुन मोरो ऊपर आ पड़ी है।" 37 रूबेन न अपनो बाप से कहयो, "अदि मी ओ ख तोरो जोने न लाऊ, ते मोरा दोई पोरिया ख मार डालनो; तू ओ ख मोरो हात म सोऊप दा, मी ओ ख तोरो जोने फिर पहुँचा दूँगो।" 38 ओ न कहयो, "मोरो पोरिया तुम्हारो संग नी जाएगो; काहेकि ओको भाई मर गयो अऊर वाहा अब अकेलो रह गयो है; ऐकोलाने जे रस्ता से तुम जाओगे, ओ म अदि ओ पर कोई विपत्ति आ पड़े, तब ते तुम्हारो वजे से मी यू बुढ़ापा की अवस्था म दुख को साथ अधोलोक* म उतर जाऊँगो।"