1 ऊ देस म अकाल पड़ो, याहा उस पहलो अकाल से अगल थो जे अब्राहम को दिनो म पड़ो थो। ऐकोलाने इसहाक गरार को पलिस्ती जाति को राजा अबीमेलेक को जोने गयो। 2 वाहा यहोवा न ओ ख दरसन दे ख कहयो, "मिस्र म मत जा; जे देस मी तो ख बताऊँ उसी म रह। 3 इसी देस म रह। मी तोरो साथ रहूंगो, अऊर तो ख आसीस दूगो; अऊर यू सब देस म तो ख अऊर तोरो खानदान ख दूँगो; अऊर जे कसम मी न तोरो बाप अब्राहम से खाई थी, उसी म पुरो करुँगो। 4 मी तोरी वंस ख बध्दल को तारागन को समान करूँगो; अऊर मी तोरो वंस ख यू पुरो देस दूँगो, अऊर धरती की पुरी जाति हुन तोरी वंस को कारन अपनो ख धन्य मानेगी। 5 काहेकि अब्राहम न मोरी मानी, अऊर जे मी न ओ ख सोपो थो ओ ख अऊर मोरो हुकुम हुन, विधि हुन अऊर नेम को पालन कियो।" 6 ऐकोलाने इसहाक गरार नगर म रहन गयो। 7 जब उस जगह का अदमी हुन न ओकी पत्नी रिबका को बारे म उनसे पुछयो तब वाहा बोल्या, याहा मोरी बहिन आय। इसहाक मोरी पत्नी कहन से डरतो थो। ऊ सोचता था, असो न हो कि रिबका को कारन इस जगह के लोगो मो ख मार डाले, काहेकि रिबका देखन म बैजा सुन्दर हती।✝ 8 जब इसहाक ख वाहा रहतो हुओ बैजा समय बीत गयो तब एक दिन पलिस्ती हुन को राजा अबीमेलेक न खिड़की से झांक कर देखयो कि इसहाक अपनी ओरत रिबका को संग क्रीड़ा कर रहया है। 9 अबीमेलेक न इसहाक ख बुलायो अऊर ओसे कहयो, "वाही पोरी निस्चय ही तुम्हारी ओरत आय। तुमना काहे कहयो रह, वाहा पोरी मोरी बहिन आय?" इसहाक न उत्तर दियो, "मी न सोचो थो कि असो न हो की मो ख ओको कारन अपनो जान से हात धोनो पड़े।" 10 अबीमेलेक न कहयो, "तुम न हमारो साथ यू का कियो? मोरी प्रजा को कोई भी अदमी तुम्हारी ओरत को संग सहज ही बुरो काम कर सकता था अऊर तु हम ख पाप म फंसातो।" 11 ऐकोलाने अबीमेलेक न अपनी पुरी प्रजा ख हुकुम दियो, "जे कोई उस अदमी ख या उस पोरी ख छुएगो, वाहा निस्चय मार डालो जाएगो।" 12 फिर इसहाक न उस देस म खेत जोतो बोयो, अऊर ऊही साल म सऊ गुना फल पायो; अऊर यहोवा न ओ ख आसीस दी, 13 वाहा धनी हो गयो। ओकी उन्नति होती चली गई। वाहा बैजा धनवान बन गयो। 14 उनको जोने भेड़-बकरी, गईया-बईल अऊर बहुत से दास-दासी हुन हुई; तब पलिस्ती ओसे जलन करन लगिया। 15 जिन कुआं को इसहाक को बाप अब्राहम ख सेवक हुन न उनको जीते जी खोदो थो, उन्हे पलिस्ती जाति के लोगो न मिठ्टी से भर ख बन्द कर दियो। 16 अबीमेलेक न इसहाक से कहयो, "तुम हमारो जोने से चलो जाओ; काहेकि तू हम से बैजा सामर्थी हो गयो है।" 17 इसहाक वाहा से चलो गयो। उन न गरार की घाटी म अपनो तम्बू खड़ो कर ख वाहा रहवन लगीया। 18 जे कुआँ ओको बाप अब्राहम को दिनो म खोदयो गयो थो, अऊर अब्राहम को माऊत को बाद पलिस्ती हुन न भर दियो थो, उन ख इसहाक न फिर से खुदवायो; अऊर उनको वी ही नाम रखे, जो ओको बाप न रखयो थो। 19 जब इसहाक का दास हुन ख घाटी म खोदते-खोदते बहतो पानी को एक मोंगा मिल्यो। 20 तब गरार को चरवाहे इसहाक को चरवाहो से झगड़न लगीया। वे कहन लगीया, "याहा पानी हमारो आय।" ऐकोलाने इसहाक न उस कुआँ को नाम एसक रखयो; काहेकि उन न इसहाक से झगड़ा कियो थो। 21 इसहाक ख दास हुन दुसरो कुआं खोदयो। पर उन न ओको लाने भी झगड़ा कियो। इसहाक न ओको नाम "सिटना" रखो। 22 इसहाक वाहा से निकल ख एक अऊर कुआँ खुदवायो; उसको लिए उन न झगड़ा नी कियो; ऐकोलाने इसहाक न ओको नाम "रहोबोत" रखो। इसहाक बोल्यो, "अब ते प्रभु न हमारो लाने बैजा जगह दियो है, अऊर हम इस देस म फूले-फलेंगो।" 23 वह वाहा से बेर्सेबा गयो। 24 अऊर उही दिन प्रभु न रात म ओ ख दरसन दे ख कहयो, "मी तोरो बाप अब्राहम को परमेस्वर आय; मत डर, काहेकि मी तोरो संग हूँ मी तो ख आसीस दूँगो, अऊर अपनो दास अब्राहम को कारन तोरो वंस की संख्या बढ़ाऊँगो।" 25 इसहाक न वाहा एक वेदी बनाई, अऊर प्रभु को नाम से आराधना करी। उन न वाहा अपनो तम्बू गाड़ो उनका दास हुन न वाहा भी एक कुआं खोदयो।

26 अबीमेलेक अपनो मंतरी अहूज्जत अऊर सेनापति पीकोल को संग गरार नगर से इसहाक को जोने आयो।✝ 27 इसहाक न उन से कहयो, "तुम न मो से दुस्मनी कर ख अपनो बीच से निकाल दियो थो, अब मोरो जोने काहे आये हो?" 28 वी बोल्या "हम न ते हमारी आँख से देखयो कि प्रभु तुमारो सगं म है। ऐकोलाने हन न कहयो कि तुमारो संग अऊर हमारो बीच कसम ली जाए आओ, हम तुमरो संग वाचा बन्धाएँ, 29 कि जसो हम न तो ख नी छुओ, लेकिन तोरो संग केवल भलाई ही करी है, अऊर तो ख कुसल छेम से विदा करियो, वसो ही तुम हम से कोई बुरो व्यवहार नी करेगो। अब तुम प्रभु को आसीस पायो हुओ इंसान आय।" 30 इसहाक न उन को लाने विसेस खाना तैयार करियो। उन न खायो पियो। 31 वी भूनसारो उठिया। उन न आपस म कसम खई। तब इसहाक न उन ख विदा कियो। वी उन को जोने से सांति से चल्या गया। 32 ऊही दिन इसहाक का दास हुन न आ ख एक कुआं को बारे म बतायो जे ख उन न खोदयो थो। उन न इसहाक से कहयो, "हम ख पानी को एक मोंगा मिल्यो है।" 33 इसहाक न कुआं को नाम "सिबा" रखयो। ऐकोलाने आज लक उस नगर को नाम बेर्सेबा है।

34 जब एसाव चालीस साल को हुओ, ओ न हित्ती बेरी जाति की दो पोरी हुन से बिहाव करयो: यहूदीत अऊर बासमत। यहूदीत को बाप को नाम बएरी अऊर बासमत को बाप को नाम एलोन हतो। 35 दोई बहू हुन को कारन इसहाक अऊर रिबका को मन ख ठेस लगी।