1 जब अब्राम निन्यानबे साल को थो तब प्रभु न ओका दर्सन देखा कही, "मी सर्वसक्तिमान परमेस्वर आय। मोरी उपस्थिति म चल अर नेक बनते जा। 2 मी तोरो साथ करार बाँधु है, अऊर तोरो वंस ख बेजा ही बढ़ाऊँगो।" 3 तब अब्राम मुँड़ो को बल गिड़ियो: अऊर परमेस्वर ओसे असी बात करते गयो, 4 "देख, मोरो करार तोसे बंधो रहेगो, ऐकोलाने तू जाति हुन को समूह को मूल बाप हो जाहे। 5 ऐकोलाने अब से तोरो नाम अब्राम नी रहन को, पर तोरो नाम अब्राहम होयगो; काहेकि मी न तो ख जाति हुन को समूह को मूल बाप ठहरा दियो है। 6 मी तो ख बेजा बड़ाऊँगो, अऊर तोका जाति जाति को मूल बना देहूँ, अऊर तोरो वंस म राजा ही पैदा होयगो। 7 अऊर मी तोरो संग अऊर तोरो बाद पीढ़ी-पीढ़ी लक तोरो वंस को साथ भी या आसय की युग युग को करार बाँधु है, कि मी तोरो अऊर तोरो बाद तोरो वंस को भी परमेस्वर रहूंगो। 8 अऊर मी तो ख, अऊर तोरो बाद तोरो वंस ख भी, यू पुरो कनान देस जेमा तू परदेसी हो ख रहवा है, असो तरीका से देहूँ कि ऊ युग-युग को लिए उनकी जमीन हो जायगो, अऊर मी ओको परमेस्वर होऊँगो।" 9 फिर परमेस्वर न अब्राहम से कही, "तु भी मोरो संग बंधी वाली करार को पालन करजो; तु अऊर तोरो बाद तोरो वंस भी अपनी-अपनी पीढ़ी म ओको पालन करे। 10 मोरो साथ बाँधो वालो करार, जोको पालन तो ख अऊर तोरो बाद तोरो वंस ख करनो पड़ेगो, वा या है: तुम म से एक एक इंसान को खतना होनो चाहिए। 11 तुम अपनी अपनी खलड़ी को खतना करा लेनो: जो करार मोरो अऊर तुम्हारो बीच म है, ओको युई चिन्न होयगो। 12 तुमरो हर एक पोरिया को खतना ओको जनम को आठवो दिन करो जानो चाहिए। हर एक पीढ़ी को अदमी को खतना होनो चाहिए, चाहे ऊ तुम्हारो घर म पैदा भयो वालो दास होय, या परदेसी से धन देका मोल लियो होय, जे तोरो वंस को नी हाय। 13 जो तोरो घर म पैदा भयो दास है, अऊर जो पैसा देका मोल खरीदो गयो है, दोई को खतना करो जाए। असो तरीका से मोरो करार, जेको चिन्न तुम्हारो आँग म होयगो, आखरी लक करार बनो रहे। 14 जे अदमी हुन को खतना नी भयो है, ऐकोमतलब जेकी खलड़ी को खतना नी होय, वहा इंसान अपनो इंसान हुन म से खतम करो जाए, काहेकि ओ न मोरो साथ बाँधो वालो करार ख तोढ़ दियो।" 15 फिर परमेस्वर न अब्राहम से बोल्यो, "तोरी जे ओरत सारै है, ओका तु अब सारै मत कैजो, ओको नाम सारा होयगो 16 मी ओका आसीस देऊँगो, अऊर तोका ओको दुवारा एक पोरिया देऊँगो; अऊर मी ओका असी आसीस देऊँगो कि ऊ जाति जाति की मेन खास माय होयगो; अऊर ओको वंस म राज्य-राज्य ख राजा पैदा होयगो।" 17 तब अब्राहम मुँड़ो को बल गिड पड़ियो अऊर हँसियो, अऊर मन ही मन कहन लगयो, "का सव साल को अदमी से भी अवलाद पैदा होयगो अऊर का सारा जे नब्भे साल की है पोरिया पैदा करे?" 18 अऊर अब्राहम न परमेस्वर से कही, "इस्माएल तोरी नजर म बनो रै! यूईच भलो है।" 19 तब परमेस्वर न कही, "हकीगत म तोरी ओरत सारा ख तोसे एक पोरिया पैदा होयगो; अऊर तु ओको नाम इसहाक रखजो; अऊर मी ओको साथ असो करार बाँधूगो जो ओको बाद ओको वंस को लाने युग युग को करार होयगो। 20 इस्माएल को बारे म भी मी न तोरी सुनी है; मी ओका भी आसीस देऊँगो; अऊर ओका फलवंत करूगो अर खुब बड़ा देहूँ; ओसे बारा प्रधान हुन पैदा होयगो, अऊर मी ओका एक बड़ी जात बनाऊँगो। 21 पर मी अपनो करार इसहाक ही से बाँधूँगो जो सारा से अगलो साल ख यूई बखत म पैदा होयगो।" 22 तब परमेस्वर न अब्राहम से बात करनो बन्द करी अऊर ओको जोने से ऊपर चढ़ गयो। 23 तब अब्राहम न अपनो पोरिया इस्माएल ख लियो; अऊर ओको घर म जित्ता पैदा भया रा, अऊर जित्ता ओका पैसा से मोल लियो गया रा, एको मतलब ओको घर म जित्ता अदमी हता वी सब ख लेखा उई दिन परमेस्वर को वचन को हिसाब से उनकी खलड़ी को खतना करो गयो। 24 जब अब्राहम की खलड़ी को खतना भयो तब ऊ निन्यानबे साल को हतो। 25 जब ओको पोरिया इस्माएल की खलड़ी को खतना करो गयो तब ऊ तेरा साल को थो। 26 अब्राहम अऊर ओको पोरिया इस्माएल को खतना एक ही दिन भयो। 27 ओको परिवार ख सब अदमी-दास हुन को खतना भी उनको ही संग करो गयो, जे घर म पैदा भया रा, अऊर जे धन दे ख परदेसी हुन से मोल लियो गया रा, सब को खतना ओको संग म ही भयो।