1 फिर अब्राहम वाहा से निकल ख दक्खिन देस म आय ख कादेस अऊर सूर को बीच म ऊ ठहरिये, अऊर गरार नगर म रहवन लगीया। 2 अऊर अब्राहम न अपनी पत्नी सारा को बारे म कहयो, "वहा मोरी बहिन आय," ऐकोलाने गरार को राजा अबीमेलेक न सेवक हुन भेज ख सारा ख बुलवा लियो।✝ 3 पर परमेस्वर न रात को बखत सपना म अबीमेलेक को जोने आ ख ओसे कहयो, "देख, जिस बाई ख तु न रखो है, ओको कारन तू मर जाएगो; काहेकि वहा दुसरो अदमी की ओरत आय।" 4 अबीमेलेक अब लक सारा को जोने नी गयो रह, ऐकोलाने ओ न कहयो, "स्वामी, का तू बेगुना इंसान ख भी मार डालेगो?" 5 का अब्राहम न खुद मोसे नी कहयो थो, "यहाँ मोरी बहिन है?" वहा बाई खुद बोली थी, "यू मोरी भई आय।" मी न ते अपनो मन की खराई अऊर अपनो व्यवहार की सच्चाई से याहा काम कियो। 6 परमेस्वर न ओसे सपना म कहयो, "हाँ मी भी जानता हूँ की अपनो मन की खराई से तू न यू काम कियो है, अऊर मी न तो ख रोख भी रखयो कि तू मोरो विरुध्द पाप नी करे; यू कारन मी न तो ख ओ ख छुवन नी दियो। 7 ऐकोलाने अब ऊ अदमी की ओरत ख उ ख लऊटाए दा; काहेकि वह नबी है, अऊर तोरो लाने प्रार्थना करेगो, अऊर तू जितो रहेगो; पर अदि तु ओ ख नी लोटियो ते जान ल कि तु अऊर तोरा जित्ता लोग है, सब निस्चय मर जाऐगो।" 8 सबेरो अबीमेलेक न सुबेरे उठ ख अपनो सब करमचारी हुन ख बुलवा ख या पुरी बात सुनाई; अऊर वी लोग बैजा डर गया। 9 तब अबीमेलेक न अब्राहम ख बुला ख ओसे कहयो, "यहाँ तुम न हमारो संग का कियो? मी न तुमरो प्रति कोन सो पाप कियो थो। कि तुम न मो से अऊर मोरो राज्य ख निवासी हुन से इतनो बडो पाप करवायो? तुम न मोरो संग जे व्यवहार कियो है, वहा तुम ख नी करनो चहियो थो।" 10 तब अबीमेलेक न अब्राहम से पुछयो, "तुमने का सोच ख यू काम कियो।" 11 अब्राहम न कहयो, "मी न यहाँ सोचो रह कि इस जगह म परमेस्वर ख कुछ भी डर नी होगो; ऐकोलाने यी लोग मोरी पत्नी को कारन मो ख मार डालेगो।" 12 ऐको अलावा सचमुच वाहा मोरी बहिन है; वहा मोरो बाप की पोरी ते है, पर मोरी माता की पोरी नी; फिर वहा मोरी ओरत हो गई। 13 अऊर असो हुओ की जब परमेस्वर न मो ख अपनो बाप को घर छोड़ ख निकलन को हुकुम दी, तब मी न ओसे कहयो, "इतनी किरपा तो ख मो पर करनी होगी कि हम दोई जाहा-जाहा जाए वाहा-वाहा तू मोरो बारे म कहनो कि याहा मोरो भई है।" 14 तब अबीमेलेक न भेड़-बकरी, गईया-बईल, अऊर दास-दासी हुन ले ख अब्राहम ख दी, अऊर ओकी पत्नी सारा ख भी ओ ख लोटा दियो। 15 अऊर अबीमेलेक न कहयो, "देख मोरो देस तोरो सामने है, जाहा तो ख भाए वहा रहनू।" 16 अबीमेलेक न सारा से कहयो, "देखो, मी न तुम्हारो भई को एक हजार चाँदी को सिक्के दियो है। जे इंसान तुम्हारो संग है, ऊ सब की दृस्टि म यहाँ तुम्हारी बेगुनाही को प्रमाण है कि तुम बे गुना हो। सब लोगो को सामे तुम्हारो संग न्याय हुओ है।" 17 अब्राहम न परमेस्वर से प्रार्थना करी। फलत: परमेस्वर न अबीमेलेक ख चोक्खो कियो। ओ न अबीमेलेक की ओरत अऊर दासी हुन ख भी चंगो कर दियो। वी फिर से सन्तान पैदा करन लगी। 18 काहेकि यहोवा न अब्राहम की ओरत सारा को कारन अबीमेलेक को घर की सब बाई हुन की कोख हुन ख पुरी रीति से बन्द कर दियो थो।