1 यहोवा परमेस्वर न जित्ता बनाया वाला जानवर बनया हता, उन सब म साँप चतूर थो; ओना ओरत से कयो, का सही है कि परमेस्वर न कयो, तुम यू बगीचा को फल मत खानो?✝ 2 ओरत न साँप से कयो, "या बगीचा को फल हम खा सका है; 3 पर जो झाड़ बगीचा को बीच म है, ओको फल को बारे म परमेस्वर न बोल्यो है कि न तो तुम ओ ख खानो अऊर न ओ ख छुनो, नी ते मर जाहे।" 4 तब साँप न ओरत से कयो, "तुम बिलकुम नी मरन का! 5 पर परमेस्वर खुद जाना है कि जो रोज* तुम ओको फल खाए उई दिन तुमरी आँखी हुन खुल जाहे, अऊर तुम भला बुरा को ग्यान पा ख परमेस्वर को बराबर हो जाहे।" 6 एकोबाद ओरत न देख्यो कि ऊ झाड़ को फल खान को लाने अच्छो, अर दिखनू म मन ख भान* वालो, अर ग्यान देन को लाने फयदा देन वालो भी है; फिर ओना ओमन से तोड़ ख भी खायो, अऊर अपनो अदमी ख भी दियो, अऊर ओना भी खायो।✝ 7 तब वी दोई की आँख खुल गई, अऊर उनका मालूम भयो कि वी बिना कपड़ा का है, एकोलिए उन न अंजीर को पत्ता जोड़-जोड़ ख लंगोट बना लियो। 8 तब यहोवा परमेस्वर जो साम को ठंडो बखत म बगीचा फिरत रहा, ओको अवाज उनका सुनाई दियो। तब आदम अर ओकी घरवाली बगीचा ख झाड़ हुन को बीच यहोवा परमेस्वर से लुक गया। 9 तब यहोवा परमेस्वर न पुकार आदम से पुछयो, "तू किते है?" 10 ओना कयो, "मी तोरी आवाज बगीचा म सुन ख डर गयो, काहेकि मी बिना कपड़ा को हतो; एकोलिए लुक गयो।" 11 ओना कयो, "कोना तोका बताई कि तू बिना कपड़ा को है? जो झाड़ को फल मी न खान का मी न तो खा मना करयो रहा, का तुना ओको फल खायो है?" 12 आदम न कयो, "जो ओरत ख तुना मोरो संग रहन ख दियो रहा ओना ही ऊ झाड़ को फल मोका दियो, अऊर मी न खायो।" 13 तब यहोवा परमेस्वर न ओरत से कही, "तुना यू का कर दियो है?" ओरत न कयो, "साँप न मो ख बहका दियो, तब जा ख मी न खायो।"✝

14 तब यहोवा परमेस्वर न साँप से कयो, "तू न जो असो करयो है एकोवजे से तू सब घर म पलंन वाला जानवर हुन से, अऊर सब बनाया वाला जानवर हुन से ज्यादा सराप है; तू पेट को बल चला फिरा करे, अऊर जिन्दगी भर मिठ्टी चाटतो रहेगो: 15 अऊर मी तोरो अर या ओरत को बीच म, अर तोरो वंस अर एको वंस को बीच म मी बैर पैदा करुँगो; ऊ तोरी मुंडी ख कुचल डालेगो, अऊर तू ओकी एड़ी ख ढसेगो।" 16 फिर ओरत ख परमेस्वर न कहयो, "मी तोरो दुख अऊर तोरा बाल-बच्चा पैदा होवन को दुख ख बहुत बढ़ाऊँगो; तू दुख को साथ म बाल-बच्चा पैदा करे; अऊर तोरी लालसा तोरो अदमी की तरफ होए, अऊर ऊ तोपर हक जतायगो।"✝ 17 अऊर आदम से ओना कयो, "तुना जो अपनी ओरत की बात सुनी, अऊर जो झाड़ को फल को बारे म मी न तो ख जतायो रहा कि तू ओका मत खाजे, ओका तुना खई है एकोलाने जमीन तोरो वजेसे सापित है। तू ओकी फसल जिन्दगी भर दुख को संग खायो करे; 18 अऊर ऊ तोरो लाने काँटा अर दंग धतुरा उगायगो, अऊर तू खेती की उपज खायो; 19 अऊर अपनो माथा को पसीना की रोटी खायो करेगो, अऊर आखीर म मिठ्टी म मील जाहे काहेकि तू ओमान से ही निकालो गयो है; तू मिठ्टी तो है अऊर मिठ्टी ही म फिर मील जायगो।" 20 आदम न अपनी ओरत को नाम हवा रख्यो; काहेकि जित्ता इंसान जिन्दा है वी सब की पुरानी सियानी माय वईच हुई। 21 अऊर यहोवा परमेस्वर न आदम अर ओकी ओरत को लाने चमडा का कपड़ा बना ख उन ख पहिना दियो।

22 फिर यहोवा परमेस्वर न कहयो, "इंसान अच्छो भलो को ग्यान पा ख हम म से एक को जसो हो गयो है: एकोलाने अब असो नी होय कि ऊ हात बढ़ा ख जीवन को झाड़ को फल भी तोड़ का खा ले अऊर हमेसा जिन्दो रहे।"✝ 23 एकोलाने यहोवा परमेस्वर न उन ख अदन की बगीचा म से हेढ़ दियो कि ऊ जमीन म खेती करे जोमन से ऊ बनायो गयो रहा। 24 एकोलाने परमेस्वर आदम ख ओना हेढ़ दियो अऊर जीवन को झाड़ को रस्ता को पहिरा देन को लाने अदन को बगीचा को दिन निकला उते की बाजू करूब नाम को स्वर्ग दुत हुन ख*, अऊर चारी तरफ घुमन वाली आग जसी तलवार ख भी तैनात कर दियो।