1 याकूब न सुन्यो कि लाबान को पोरिया ओको बारे म असी बात बोल कर रयो है, "याकूब न हमारो बाप को सब कुछ छीन लियो है। हमारो बाप को धन से ही ओ न यू सब धन-दऊलत जोड़ी है।" 2 याकूब न लाबान को मुंडो देख ख जान लियो कि ऊ ओको लिए पहिलो जसो किरपा करन वालो नी रयो। 3 तब यहोवा न याकूब से कहयो, "अपनो पितरो ख देस अऊर अपनी जन्म जगह ख लऊट जा, अऊर मी तोरो संग रहुगो।" 4 तब याकूब न राहेल अर लिआ: ख बर्रा म ओकी भेड़ बकरी हुन को जोने बुला ख कहयो, 5 तुम्हारो बाप को मुख से मो ख जान पड़हा है कि वाहा मो ख पहले को समान अब नी देखतो; पर मोरो बाप को परमेस्वर मोरो संग है। 6 तुम भी जाना है कि मीना तोरो बाप कि सेवा जवानी सक्ति भर करी है। 7 फिर भी तुमरो बाप न मो से कपत कर ख मोरी मजदूरी ख दस बार बदल दियो; पर परमेस्वर न ओखा मोरो नुकसान करन नी दियो। 8 जब ओ न कहयो चित्तीवाले बच्चे तोरी मजदूरी ठहरेगी, "तब सब भेड़-बकरी हुन चित्तीवाले ही जनन लगी" अऊर जब ओ न कहयो, धारीवाले बच्चे तोरी मजदूरी ठहरेगी, तब सब भेड़-बकरी हुन धारीदार बच्चा ख जनम दियो। 9 यू रीति से परमेस्वर न तुम्हारो बाप को जानवर ले ख मो ख दे दियो। 10 भेड़-बकरी हुन को नकन को तेम मीना सपना म का देख्यो कि जे बकरा बकरी हुन पर चेंग रया है, वी धारीवाला, चित्तीवाला, अर घब्बा वाला आय। 11 तब परमेस्वर ख दूत न सपना म मोसे कहयो, अरे याकूब, मीना बोल्यो, का बोला है। 12 ओ न कहयो, आखँ उठा ख ऊ सब बकरा हुन ख जे बकरी हुन पर चढ़ रहया है देख देख, कि वी धारीवाले, चित्तीवाले, अऊर धब्बेवाले है; काहेकि जे कुछ लाबान तोसे करह है, वाहा मी न देखयो है। 13 मी ऊ बेतेल को परमेस्वर हूँ, जाहा तू न एक खम्भा हुन पर तेल डाल दियो थो, अऊर मोरी मन्नत मानी थी। अब चल, यू देस से निकल ख अपनी जनम जगह ख लऊट जा।✝ 14 तब राहेल अऊर लिआ: न ओसे कहयो, "का हमारो बाप को घर म अब भी हमारो कुछ भाग वा अंस बचो है? 15 का हम ओकी नजर म परायी नी ठहरी? देख, ओ न हम ख तो बेच डालयो, अऊर हमारा पैसा खा बैठयो है। 16 ऐकोलाने परमेस्वर न हमारो बाप ख जितनो धन ले लियो है, ऊ हमारो अऊर हमारो पोरिया पारी हुन को आय; अब जे कुछ परमेस्वर न तोसे कहयो है, वही कर।" 17 तब याकूब न अपना पोरिया पारी हुन अऊर ओरत हुन ख ऊँट हुन पर चढ़ायो; 18 अऊर जित्ता जानवर हुन ख ऊ पद्दनराम म इखट्ठो कर ख धनवान हो गयो रा, सब ख कनान म अपनो बाप इसहाक को जोने जावन को विचार से, संग ले गयो। 19 लाबान अपनी भेड़ हुन को ऊन कतरन को लाने चलो गयो रा, अऊर राहेल अपनो बाप को घर से भगवान की मुरती हुन ख चोर ख ले गई। 20 अर याकूब लाबान अरामी को जोने से लुक ख चलो गयो, ओका नी बतायो कि मी जा रयो है। 21 ऊ अपनो सब कुछ लेखा भगियो, अऊर फरात नदी को ओनो पार उतर ख अपनो मुंडो गिलाद को पहाड वालो देस की तरफ करयो।

22 तीसरो रोज लाबान ख समाचार मिल्यो कि याकूब भग गयो है। 23 ऐकोलाने ओना अपना भई हुन ख साथ लेखा ओको सात रोज लक पीछा करयो, अऊर गिलाद को पहाड़ी देस म ओका जा ख पकडियो। 24 पर परमेस्वर न रात ख सपना म अरामी लाबान को जोने आ ख बोल्यो, "सतरक रैजो, तू याकूब से न ते भलो बोलजे अर न बुरो।" 25 अऊर लाबान याकूब को जोने पहुँच गयो। याकूब अपनो तम्बू गिलाद नाम की पहाड़ी देस म खड़ो कर ख पड़ो रा; अऊर लाबान न भी अपना भई हुन को संग अपनो तम्बू वई पहाड़ी देस म खड़ो करयो। 26 तब लाबान याकूब से बोलन लग गयो, "तू न यू का करयो कि मोरो जोने से चोर को समान चलो आयो, अर मोरी बेटी हुन ख असो लेखा आयो, मान ला तरवाल को बल से बन्दी बनाई होय। 27 तू काहे लुक ख भग आयो? अर मोसे बिन कुछ बोल्यो मोरो जोने से लुक ख चलो आयो; नी ते मी तोका खुसी से बाजा गाजा को संग सैनई बजाते, अर गीत गाते बिदा करतो? 28 तू न तो मोका मोरा पोरिया-पोरी हुन ख चुम्मा लेन तक नी दियो? तू न निचता को काम करियो है। 29 तुम इंसान हुन ख नुकसान पहुचान कि ताकत तो मोरो हात म तो है; पर तुमरो बाप को परमेस्वर न मोसे बीती वाली रात म बोल्यो, ‘याद रख, याकूब से न तो भलो कैहजो अऊर न बुरो।’ 30 भलो, अब तू अपनो बाप को घर को बड़ो इच्छा से चलो आयो ते चलो आयो, पर मोरो भगवान हुन ख तू काहे चोर ख लायो है?" 31 याकूब न लाबान ख जवाब दियो, "मी यू सोच ख डर गयो रा कि कही तू तोरी बेटी हुन ख मोसे छुड़ा नी ले। 32 जे कोई को जोने तोरा भगवान हुन मिले, ऊ जिन्दो नी रहन को। मोरो जोने तोरो जे कही निकलो, उसे भई बंद को सामे पहिचान ख ले ला।" काहेकि याकूब नी जानत रा की राहेल घर ख भगवान हुन ख चोर ख लाई है। 33 असो सुन ख लाबान, याकूब अर लिआ: अऊर दोई दासी हुन को तम्बू हुन म गयो; अऊर कुछ नी मिल्यो। तब लिआ: को तम्बू म से निकल ख राहेल को तम्बू म गयो। 34 राहेल तो ओका घर को भगवान की मुरती हुन ख ऊँट की काठी म रख ख उन पर बठी हती। लाबान न ओका पूरा तम्बू म ढूँढ़नो पर भी उन ख नी मिल्यो। 35 राहेल न अपनो बाप से कहयो, "अरे मोरो प्रभु; घुस्सा मत करा कि मी तोरो सामे नी उठी; काहेकि मी खाना नी बनात आय।" एकोलाने: ओका ढूँढ़नो पर भी घर को देवी देवता की मुरती हुन ओका नी मिल्या 36 तब याकूब घुस्सा हो ख लाबान से झगड़न लग गयो, अऊर बोल्यो, "मोरो का कसुर है? मोरी का पाप है कि तू न इत्तो घुस्सा हो ख मोरो पिछा करयो है? 37 तू न जो मोरो पुरो समान ख टटोर ख देख्यो, ते तो ख अपनो घर की पुरो सामन म से का मिल्यो? कही मिल्यो हो ते ओको यहाँ तोरा अऊर मोरा भई हुन को सामे रख दा, अऊर वी हम दोई को बीच म न्याय करे। 38 मी बीस साल लक तोरो जोने रहयो; इनमा न तो तोरी भेड़-बकरी हुन को गाब गिडयो, अऊर न तोरा भेड़ अऊर बकरा हुन को मास मी न कभी खायो। 39 जसो जंगली जानवर हुन न फाड़ डाल्यो ओ ख मी तोरो जोने नी लातो थो, ओ की हानी मी ही उठातो थो; चाहे दिन ख चोरी जाय चाहे रात ख, तू मोसे ही से ओ ख ले लेवत रह। 40 मोरी ते याहा दसा हती की दिन को ते घाम अऊर रात को कोरहा मो ख खा गयो; अऊर नींद मोरी आँखो से भाग जावत रह। 41 बीस साल लक मी तोरो घर म रहू; चऊदा साल ते मी न तोरी दोनो बेटी हुन को लाने, अऊर छे: साल तोरी भेड़-बकरी हुन को लाने सेवा करी; अऊर तू न मोरी मजदूरी ख दस बार बदल डालयो। 42 मोरो बाप ख परमेस्वर, अर्थात् अब्राहम ख परमेस्वर, जेको भय इसहाक भी मानत रह, अदि मोरी ओर नी होतो ते पक्को तू अब मो ख खाली हात जावन देतो। मोरो दुख अऊर मोरो हात हुन को परिसरम ख देख ख परमेस्वर न बीती हुई रात म तो ख डाँटो।"

43 लाबान न याकूब से कहयो, "यी पोरी हुन ते मोरी ही है, अऊर यी बच्चा भी मोरो ही आय, अऊर यी भेड़-बकरी हुन भी मोरी ही है, अऊर जे कुछ तो ख देख पड़ह है वहा पुरो मोरो ही आय। पर अब मी अपनी इन पोरी हुन अऊर इनकी सन्तान से का कर सकू है? 44 अब आ, मी अऊर तू दोई आपस म वाचा बाँधी, अऊर ऊ मोरो अऊर तोरो बीच गवा ठहरो।" 45 तब याकूब न एक पत्थर ले ख ओ को खम्भा खड़ो जेको मतलब (आरामी भासा म गवाही को सबूत) कियो। 46 तब याकूब न अपनो भाई बन्धु हुन से कहयो, "गोटा इकट्टा करो," असो सुन ख उन न गोटा इकठ्टो कर ख एक ढेर लगायो, अऊर उई ढेर को जोने उन न खाना खायो। 47 ऊ ढेर को नाम लाबान न ते यज्रसहादुथा रखो, पर याकूब न गिलियाद रखा। 48 लाबान न कहयो, "यू ढेर आज से मोरो अऊर तोरो बीच गवा को सबूत रहेगो।" यू कारन ओको नाम गिलियाद रखो गयो, 49 अऊर मिस्पा भी; काहेकि ओ न कहयो, "जब हम एक दुसरा से दुर रहे तब यहोवा मोरी अऊर तोरी देख-भाल करते रहे। 50 अदि तु मोरी बेटी हुन ख दुख देहे, या उनको अलवा अऊर कोई ओरत हुन ब्याह ले, ते हमारो साथ कोई अदमी तो नी रहन को; पर देख, मोरो तोरो बीच म परमेस्वर गवा रहेगो।" 51 फिर लाबान न याकूब से कहयो, "यू ढेर ख देख अऊर यू खम्भा ख भी देख, जिन ख मी न अपनो अऊर तोरो बीच म खड़ो कियो है। 52 यू ढेर अऊर यू खम्भा दोई या बात का साक्छी या सबूत रहे कि हानि करन को विचार से न ते मी यू ढेर को पार कर ख तोरो पास जाऊँगो, न तू यू ढेर अऊर यू खम्भा को पार कर ख मोरो पास आएँगो। 53 अब्राहम अऊर नाहोर अऊर अनको बाप; तीन ही को जे परमेस्वर आय, उई हम दोई को बीच न्याय करे।" तब याकूब न ओकी कसम खई जेको भय ऐको बाप इसहाक मानत रह; 54 अऊर याकूब न ऊ पहाड़ पर जानवर कि बलि चढ़ाई, अऊर अपना भाई बंद हुन ख खाना खिलान को लिए बुलायो; तब उन न खाना खा का पहाड़ पर रात बिताई। 55 भुनसारो ख लाबान उठो, अऊर अपना बेटा बेटी हुन ख चुम्मा ले ख अऊर आसीर्वाद देखा चल दियो, अऊर अपनी जगह ख लऊट गयो।