Gênesis 38

यहूदा अऊर तामार

1 उही दिन हुन म असो हुओ कि यहूदा अपनो भाई हुन को जोने से चलो गयो, अऊर हीरा नाम एक अदुल्लामवासी अदमी को जोने डेरा करियो। 2 वाहा यहूदा न सूआ नामक एक कनानी अदमी की पोरी ख देख; अऊर ओसे बिहाव कर ख ओको जोने गयो। 3 वाहा पेट से हुई ते, अऊर ओको एक पोरिया पैदा हुओ; अऊर यहूदा न ओको नाम एर रखियो। 4 वाहा फिर पेट से हुई, अऊर ओको एक पोरिया पैदा हुओ, अऊर ओको माय न नाम ओनान रख्यो। 5 फिर ओको एक पोरिया पैदा हुओ, अर ओको नाम सेला रखो गयो; अऊर जे बखत ओको जनम हुओ ऊ बखत यहूदा कजीब नगर म रहवत रह। 6 अऊर यहूदा न तामार नाम को एक पोरी से अपनो बडो पोरिया एर को बिहाव कर दियो। 7 पर यहूदा ख वाहा बडो पोरिया एर यहोवा को लेखा म दुस्ट थो, ऐकोलाने यहोवा न ओ ख मार डाल्यो। 8 तब यहूदा न ओनान से कहयो, "अपनी भाभी को जोने जा, अऊर ओको साथ देवर को धर्म पूरो कर ख अपनो भाई को लाने सन्तान पैदा कर।" 9 ओनान जानत रह कि सन्तान मोरी नी ठहरेगी; ऐकोलाने असो हुओ कि जब वाहा अपनी भाभी को जोने गयो, तब ओ न जमीन पर वीर्य गिरा ख नास कियो, जेसे असो न हो की ओका भाई को नाम से वंस चले। 10 यह काम जे ओ न करियो ओसे यहोवा अप्रसन्न भयो; अऊर ओ न ओ ख भी मार डाल्यो। 11 तब यहूदा न यू डर का मारे कि कही असो ना हो की अपनो भाई हुन को समान सेला भी मरे, अपनी बहू तामार से कहो, जब लक मोरो पोरिया सेला सियाना न हो जाय तब लक अपनो बाप को घर म विधवा हो बैठी रह। ऐकोलाने तामार अपनो बाप को घर म जाय ख रहवन लगी। 12 बहुत दिन बीतन पर यहूदा की पत्नी जे सूआ की पोरी हती, वाहा मर गई; फिर यहूदा दुख को दिन बीतन पर अपना दोस्त हीरा अदुल्लामवासी समेत अपनी भेड़-बकरी हुन को उन कतरन वाली को जोने तिम्नाथ ख गयो। 13 अऊर तामार ख याहा खबर मिल्यो, "तोरो ससुर अपनी भेड़-बकरी हुन को ऊन कतरान को लाने तिम्नाथ ख जा रहयो थो।" 14 तब ओ न याहा सोच ख कि सेला सियाना ते होय गयो है पर मी ओकी ओरत नी हो पाई; अपनो विधवापन को पहिरावा उतारियो अऊर घूंघट डाल ख अपनो ख ढाँप लियो, अऊर एनैम नगर को फाटक को जोने, जे तिम्नाथ को रस्ता म है, जा बैठी। 15 जब यहूदा न ओ ख देखयो, ओ न ओ ख वेस्या समझा; काहेकि वाहा अपनो मुँह ढाँपे हुई हती। 16 वाहा रस्ता से ओकी ओर फिरा, अऊर ओसे कहन लगियो, "मो ख अपनो जोने आवन दा," काहेकि ओ ख याहा मालूम न थो कि वाहा ओकी बहू आय। ओ न कहयो, "अदि मे तो ख अपनो जोने आवन देहु, ते तू मो ख का देहे?" 17 ओ न कहयो, "मी अपनी बकरी हुन म से बकरी को एक बच्चा तोरो जोने भेज दूँगा।" तब ओ न कहयो, "भलो ओको भेजन लक का तू हमरो जोने कुछ गिरवे रख जाएगो?" 18 ओना पुछयो, "मी तोरो जोने का रेहन रख जाऊ" ओ न कहयो, "अपनी मुहर, अऊर बाजूबन्द अऊर अपनो हात की छड़ी।" तब ओ न ओ ख वी चीज दे दी, अऊर ओको जोने गयो, अऊर वहा ओसे पेट से हुई। 19 तब वाहा उट ख चली गई, अऊर अपनो घूंघट उतार ख अपनो विधवापन ख पहिरावा फिर पहिन लियो। 20 तब यहूदा न बकरी को एक बच्चा अपनो दोस्त उस अदुल्लामवासी को हात भेज दियो कि वाहा रेहन रखी हुई चीज ऊ बाई को हात से छुडा ले आए; पर वहा बाई ओ ख नी मिली। 21 उन न एनैम का कुछ लोग से पुछयो या वेस्या जे सड़क को किरानो थी काहा है। उन न कहयो याहा कभी कोई वेस्या*38:21 इब्रा भासा म मन्दिर कि वेस्या नी रह। 22 ऐकोलाने ओ न यहूदा को जोने लउट ख कहयो, "मो ख याहा नी मिले; अऊर ऊ जगह का अदमी हुन न कहयो, याहा ते कोई वेस्या नी हती।" 23 तब यहूदा न कहयो, "अच्छो, वाहा बन्धक ओको ही जोने रहन दा, नी ते हम लोग तुच्छ गिने जायेगो; देख, मी न बकरी को याहा बच्चा भेज दियो थो, पर वहा तो ख नी मिली।" 24 लगभग तीन महीना को बाद यहूदा ख याहा समाचार मिल्यो, "तोरी बहू तामार न गलत काम करियो है; वरन् वाहा गलत काम से पेट से भी हो गई है।" तब यहूदा न कहयो, "ओ ख बाहार ले आओ कि वाहा जलाई जाए।" 25 तब ओ ख बाहार निकालो जा रहयो थो तब ओ न अपनो ससुर को जोने यहाँ कहला भेजयो, "जे अदमी की ये चिज है, उही से मी पेट से हूँ," फिर ओ न यू भी कहलायो, "पहिचान ते सही कि यहाँ मुहर, अऊर बाजूबन्द, अऊर छड़ी कोकी आय।" 26 यहूदा न उन ख पहिचान ख कहयो, वहा ते मोसे कम दोसी है; "काहेकि मी न ओको अपनो पोरिया सेला से ब्याह न किया।" अऊर ओ न ओसे फिर ओको संग कभी नी सोई। 27 जब ओको जनन को बखत आयो, तब याहा जान पडो कि ओको पेट म जुड़वा बच्चा है। 28 अऊर जब वहा जनन लगी तब एक बालक को हात बाहार आयो, अऊर धाय न लाल सूत ले ख ओको हात म यहाँ कहते हुओ बाँध दियो, "पहले यूही पैदा हुओ।" 29 जब ओ न हात समेट लिओ, तब ओको भाई पैदा हो गयो। तब उ धाय न कहयो, "तू काहे बरबस निकल आयो है?" ऐकोलाने ओको नाम पेरेस रखो गयो। 30 पीछे ओको भाई जोको हात म लाल सूत बन्धा थो पैदा हुओ, अऊर ओको नाम जेरह रखो गयो।