1 जब आदम अपनी घरवाली हवा को जोने गयो तब ओना गरब से रहका कैन ख जनम दियो अर कयो, "मी न यहोवा कि किरपा से एक पोरिया ख जनम दियो।" 2 फिर ओना ओको भई हाबिल का भी जन्म दियो हाबिल भेड़ हुन ख चरान वालो चरैया बन गयो, पर कैन जमीन पा खेती करन वालो किरसान बनयो। 3 थोड़ा दिन को बाद कैन यहोवा को जोने जमीन म की फसल म से कुछ भेट लेखा आयो,✝ 4 अऊर हाबिल भी अपनी भेड़ बकरीहुन का कई एक पहलो वालो बच्चा भेंट चढ़ान ख लेका आयो अऊर उनकी चर्बी भेंट चढ़ई; तब यहोवा न हाबिल अर ओकी भेट ख तो ले लियो,✝ 5 पर कैन अर ओकी भेट ख ओना स्वीकार नी करयो। तब कैन बहुत ज्यादा घुस्सा भयो, अर ओको मुंडो उतर गयो। 6 तब यहोवा न कैन से बोल्यो, "तू काय को लाने घुस्सा भयो? अर तोरो मुंडो काहे उतर गयो है? 7 अदि तू भलो करे, ते का तोरी भेंट स्वीकार नी करी जाहे? अदि तू भलो नी करे ते पाप दुवार पा छिपयो रहवा है; अऊर ओकी लालसा तोरी तरफ होयगो, अऊर तोका ओपर राज करनो है।" 8 तब कैन न अपनो भई हाबिल से कई बोल्यो; अऊर जब वी बर्रा म हता, तब कैन न अपनो भई हाबिल पा चढ़ ख ओका मार ड़ाल्यो; 9 तब यहोवा न कैन से पुछियो, "तोरो भई हाबिल किते है?" ओना कयो, "मालुम नी; का मी अपनो भई को रखवालो आय?" 10 ओना कयो, "तुना का करयो है? तोरो भई को खुन जमीन से मोरी तरफ चिल्लाया ख मोका बोल रयो है!✝ 11 एकोलाने अब जमीन जोना तोरो भई को खुन तोरो हात से पीवन को लाने अपनो मुंड़ो खोल्यो है, ओकी तरफ से तू सापित है। 12 चाहे तू जमीन म खेती करे, तेभी ओकी पुरी फसल फिर तोका नी मीलन की; अऊर तू दुनिया म भटकन वालो अर भगेड़ो होयगो।" 13 तब कैन न यहोवा से बोल्यो, "मोरी सजा सहन से बहार है। 14 देख, तुना आज को रोज मोका जमीन पर से निकायो है, अर मी तोरी नजर म रहू, अऊर दुनिया म भटकन वालो अऊर भगेड़ो रहूंगो; अऊर जो कोई मो ख पाएगो, ऊ मोका मार ड़ालेगो।" 15 एकोलाने यहोवा न ओसे कयो, "जो कोई कैन ख मारे ओसे सात गुना बदला लियो जाहे।" अऊर यहोवा न कैन को लाने एक चिन्न ठहरायो असो नी होय कि कोई ओका मार डाले। 16 तब कैन यहोवा को जोने से निकल गयो, अऊर नोद नाम को देस म रहवन लगियो जे अदन को पुर्व म भगोडा कहलावा है।

17 जब कैन अपनी ओरत को जोने गयो तब वा पेट से राई, अऊर ओना हनोक ख जनम दियो; फिर कैन न एक नगर बसायो अर ऊ नगर को नाम अपनो पोरिया को नाम पा हनोक रख्यो। 18 हनोक से ईराद पैदा भयो, अऊर ईराद से महूयाएल पैदा भयो अर महूयाएल से मतूसाएल अऊर मतूसाएल से लेमेक पैदा भयो। 19 लेमेक न दो ओरत ब्याही: जेमा से एक को नाम आदा, अऊर दुसरी को सिल्ला हतो। 20 आदा न याबाल ख जन्म दियो। ऊ तम्मू हुन म रहनो अर जानवर हुन ख पालनो यी दोई रीति हुन को ग्यानी भयो। 21 अऊर ओको भई को नाम यूबाल हतो: ऊ वीणा अऊर बाँसुरी बाजा हुन का बजान की पुरी रीति को ग्यानी भयो। 22 अऊर सिल्ला न भी तुबल कैन नम को एक पोरिया ख जन्म दियो: ऊ पीतर अऊर लोहा को सब धार वाला हतियार हुन का बनान वालो भयो। तूबल कैन की बहिन नामा हती। 23 अऊर लेमेक न अपनी ओरत हुन से बोल्यो, "अरे आदा अऊर हे सिल्ला, मोरी सुनो; अरे लेमेक की घरवाली की हुन, मोरी बात पा कान लगाव: मी न एक अदमी ख जो मो ख नुकसान पहुचात रहा, एकोमतलब एक अदमी ख जो मोका नुकसान पहुचात रहा, ओ ख मी न मार ड़ाल्यो है। 24 जब कैन को बदला सात गुना लियो जाएगा, ते लेमेक को सत्तरगुना लियो जाहे।"

25 आदम अपनी घरवाली को जोने फिर गयो, अऊर ओना एक बेटा ख जनम दियो अऊर ओको नाम, असो बोल ख सेत रख्यो: "परमेस्वर न मोरो लाने हाबिल को बदला जेका कैन न मार ड़ाल्यो रहा, एक अऊर अवलाद दे दियो है।" ✝ 26 सेत को भी एक पोरिया पैदा भयो, अऊर ओना ओको नाम एनोस रख्यो; वई बखत से इंसान हुन यहोवा से बिनती करन लगिया।