1 तब इस्राएल अपनो सब कही ले ख बेर्सेबा होय गयो, अऊर वाहा अपनो बाप इसहाक ख परमेस्वर को बलिदान चढ़ायो। 2 तब परमेस्वर न इस्राएल से रात ख दर्सन म कहयो, "हे याकूब"* ओ न कहयो, "का हुकुम।" 3 ओ न कहयो, "मी परमेस्वर हूँ, तोरो बाप को परमेस्वर; तू मिस्र म जान से मत डर; काहेकि मी तो ख वाहा एक बडी जाति बनाऊँगो। 4 मी तोरो संग संग मिस्र ख चलू है, अऊर मी तो ख वाहा से फिर पक्को ले अऊगो; अऊर यूसुफ अपनो हात से तोरी आँख ख बन्द करेगो।" 5 तब याकूब बेर्सेबा से चलो; अऊर इस्राएल को पोरिया अपनो बाप याकूब अऊर अपना बाल-बच्चा अऊर बाई हुन ख ऊ गाड़ी हुन पर, जे फिरोन न उन ख ले आवन ख भेजी हती, चढ़ा ख चल पड़ीयो। 6 अर याकूब जे अपना भेड़-बकरी, गईया-बईल, अऊर कनान देस म अपनो इकट्ठा कियो हुओ पुरो धन ख ले ख मिस्र म आयो;✝ 7 अऊर याकूब अपना पोरिया-पोरी हुन, पोता-पोती हुन, अर्थात अपनो वंस भर ख अपनो संग मिस्र म ले आयो। 8 याकूब को संग जे इस्राएली, अर्थात् ओका पोरिया, पोता अदि, मिस्र म आयो, उन को नाम यू है: याकूब को बडो पोरिया रूबेन थो; 9 अऊर रूबेन को पोरिया हनोक, पललू, हेस्रोन अऊर कर्मी हतो। 10 सिमोन को पोरिया यमूएल, यामीन, ओहद, याकीन, सोहर, अऊर एक कनानी बाई से जनम हुओ साऊल भी थो। 11 लेवी को पोरिया गेर्सोन, कहात, अऊर मरारी हतो। 12 यहूदा को एर, ओनान, सेला, पेरेस, अऊर जेरह नामक पोरिया हुओ थो, पर एर अऊर ओनान कनान देस म मर गयो थो; अऊर पेरेस को पोरिया हेस्रोन अऊर हामूल हतो। 13 इस्साकार को पोरिया तोला, पुव्वा, योब, अऊर सिम्रोन थो। 14 जबूलून को पोरिया सेरेद, एलोन, अऊर यहलेल थो। 15 लिआ: को पोरिया जे याकूब से पद्दनराम म पैदा हुओ थो, उन को पोरिया नाती यी ही हता, अऊर इन से ज्यादा ओ न ओको साथ एक पोरी दीना ख भी जनम दियो। याहा लक ते याकूब को सब खानदान तैतीस झन भया। 16 फिर गाद को पोरिया सिय्योन, हाग्गी, सूनी, एसबोन, एरी, अरोदी, अऊर अरेली थो। 17 आसेर को पोरिया यिम्ना, यिस्वा, यिस्वी, अऊर बरीआ हतो, अऊर ओकी बहिन सेरह हती; अऊर बरीआ को पोरिया हेबेर अऊर मल्कीएल हतो। 18 जिल्पा, जो ख लाबान न अपनी पोरी लिआ: ख दियो थो, ओको पोरिया नाति अदि यी ही हता; अऊर ओको दुवारा याकूब ख सोलह झन पैदा भया। 19 फिर याकूब न कहयो ओरत राहेल को पोरिया यूसुफ अऊर बिन्यामीन थो। 20 अऊर मिस्र देस म ओन को याजक पोतीपेरा की पोरी आसनत से यूसुफ ख यू पोरिया पैदा हुओ, अर्थात मनस्से अऊर एप्रैम। 21 अऊर बिन्यामीन को पोरिया बेला, बेकेर, अस्बेल, गेरा, नामान, एही, रोस, मुप्पीम, हुप्पीम, अऊर आर्द हतो। 22 राहेल न पोरिया जे याकूब से पैदा हुओ उन का यही पोरिया हता; ओका यी सब पोरिया-नाती चऊदह झन भया 23 फिर दान को पोरिया हूसीम थो। 24 नप्ताली को पोरिया यहसेल, गुनी, येसेर, अऊर सिल्लेम थो। 25 बिल्हा, जो ख लाबान न अपनी पोरी राहेल ख दियो, ओको पोरिया-नाती या ही है; ओको दुवारा याकूब को खानदान म सात झन भया। 26 याकूब को खुद खानदान ख जे प्रानी मिस्र म आयो, वी ओकी बहू हुन ख छोड़ सब मिल ख छियासठ झन भया। 27 अऊर यूसुफ को पोरिया जे मिस्र म ओसे पैदा हुआ, वी दो झन हता; यू प्रकार याकूब को घराना ख जे झन मिस्र म आया वी सब मिल ख सत्तार हुआ।✝

28 फिर ओ न यहूदा ख अपनो आगे यूसुफ को जोने भेज दियो कि वाहा ओ ख गोसेन को रस्ता दिखाओ; अऊर वी गोसेन देस म आए। 29 तब यूसुफ अपनो रथ जुतवा ख अपनो बाप इस्राएल से भेट करन को लाने गोसेन नगर म गयो, अऊर ओसे भेट कर ख ओको गलो से लिपटो, अऊर बेजा देर लक ओको गला से लिपटो हुओ रोतो रहयो। 30 तब इस्राएल न यूसुफ से कहयो, "मी अब मरन से भी खुस हूँ, काहेकि तो ख जिन्दो पायो अऊर तोरो मुंडो देख लिओ।" 31 तब यूसुफ न अपनो भाई हुन से अऊर अपनो बाप को घराना से कहयो, "मी जाय ख फिरोन को याहा कह ख समाचार दूँगो, मोरो भाई अऊर मोरो बाप को पुरो घराना का लोग हुन, जे कनान देस म रहवत रह, वी मोरो जोने आ गया है; 32 अऊर वी लोग चरवाह है, काहेकि वी जानवर हुन ख पालते आवा है; ऐकोलाने वी अपनी भेड़-बकरी, गईया-बईल, अऊर जे कही उन को आय, सब ले आए है। 33 जब फिरोन तुम ख बुला ख पुछो, ‘तुम्हारो धंधा का है?’ 34 तब यू कहनो, तोरो दास लड़क पन से ले ख आज लक जानवर हुन ख पालते आवा है, लेकिन हमारो पुरखो भी असो ही करत रह। ऐसे से तुम गोसेन नगर म रहवन पाओगे; काहेकि सब चरवाहा हुन से मिस्री* लोग घुस्सा करह है।"