1 तब यहोवा न नूह से बोल्यो, "तू अपनो पुरो परिवार समेत जहाज म जा; काहेकि मीना अब का बखत का इंसान म से सिरप तोखा ही मोरी नजर म धरम को काम करन वालो देखियो है। 2 तू सब सुध्द जानवर हुन म से नर अऊर मादा का सात जोड़ा लेजो; अऊर असुध्द जानवर हुन म से नर अर मादा का एक-एक जोड़ा लेजो। 3 बददल म उड़न वाली चिड़िया म से नर अर नारी क सात जोड़ा लेजे, जसो पुरो संसार म उन ख जिन्दो रहे। 4 काहेकि मी सात दिन अऊर बितन को बाद जमीन पा चालीस दिन अऊर चालीस रात लक पानी गिड़ाते रहूंगो; अऊर जेत्ता जीव-जन्तु मीना बनायो है उन सबका जमीन को ऊपर से मिटा देहु।" 5 यहोवा को यू कहेना को हिसाब से नूह न करयो। 6 नूह कि उमर छे: सव साल कि हती, जब पानी जमीन पा गीड़यो रहा। 7 नूह अनाधुंद पानी से बचन को लाने अपनी घरवाली, पोरिया हुन अऊर बहूँ हुन को संग जहाज म गयो। 8 सुध्द अर असुध्द, दोई तरीका ख जानवर म से, चिड़िया, 9 अऊर जमीन म रेंगन वाला जीव-जन्तु हुन म से भी, दो-दो, नर अर मादा, जहाज म नूह को संग म गया, जो तरीका से परमेस्वर न नूह का बोल्यो रहा। 10 सात रोज को बाद जमीन पा पानी को गीड़नो चालू हो गयो। 11 जे साल नूह छे: सव साल को भयो, ओको दुसरो महा को सतरवा दिन बड़ा सागर ख मोंगा फुट निकलिया, बददल ख झरोका हुन खुल गया अर 12 चालीस दिन अर चालीस रात लक जमीन पा बासीर होते राई। 13 ठीक उई दिन नूह न अपनी घरवाली अर सेम, हाम अर येपेत, नाम का पोरिया हुन अऊर तीनो बहूँ हुन समेत जहाज म भीतर गया। 14 उनको संग म हर एक तरीका ख जीव-जन्तु जंगल ख जानवर अर पोसन वाला जानवर जमीन पा रेंगन वाला जन्तु अर हर एक प्रकार कि उड़न वाली चिड़िया, जहाज म गया। 15 जित्ता जीव-जन्तु जिन्दा हता उनकी पुरी जाति म से दो-दो नूह को जोने जहाज म गया। 16 अऊर जो गया, वी परमेस्वर कि मरजी को हिसाब से सब जाति का जीव जन्तु हुन म से नर अर नारी गया। तब यहोवा न जहाज को दरवाजा बंद कर दियो। 17 जमीन पा चालीस रोज लक पानी गिरते रयो; अऊर पानी बहुत बड़ते ही गयो, जसो जहाज ऊपर उठन लग गयो; अऊर ऊ जमीन से ऊपर उठ गयो। 18 पानी बढ़ते-बढ़ते बहुत ही बढ़ गयो, अऊर जहाज पानी को ऊपर-ऊपर तीरन लग गयो। 19 पानी पृथ्वी पर इत्तो जादा बड़ गयो कि पुरी दुनिया म जेत्ता भी बड़ा-बड़ा पहाड़ हता सबरा डुब गया। 20 पानी पन्द्रा हात अऊर ऊपर बढ़ गयो, अऊर पहाड़ हुन भी डुब गया। 21 अऊर का चिड़िया, का घर म पालन पोसन वाला जानवर का जंगल ख जानवर, अऊर जमीन पा सब चलन वाला इंसान, अऊर जित्ता जीव-जन्तु पृथ्वी भर म फैल गया हता, वी सबरा अर सबरा इंसान मर गया। 22 जो-जो जमीन पा हता, उनमा से जित्ता कि नाक से जीवन कि साँस निकलत रहा, सब मर मिटिया। 23 अऊर का इंसान, का जानवर, का रेंगन वाला जीव-जन्तु, का बददल म उड़न वाली चिड़िया, जो-जो जमीन पा हता सबरा जमीन को ऊप्पर से मिट गया; सिरप नूह, अऊर जित्ता ओको संग जहाज म हता वीइच ही बचीया। 24 अऊर पानी जमीन पा एक सव पचास दिन लक लबालब भर ख हतो।