MALAKA 3

22 Balehi ba mobeko ibadongaka ta Yelusalɛmɛ babalaka: «Adi na mwembo mo Bɛlɛdjɛbulɛ*3, 22 Bɛlɛdjɛbulɛ Endja pongono ta Mat 10, 25 ko ta molɔngɔ. atei e nde!» Ko naikina: «Kumu o miembo mibe amopi kpatsi e bobengana miembo mibe!»

23 Na bea Yesu ababeaka ko abalaka na bu na masɛ: Satana abwani asabengane yo mɛnɛ? 24 Ekada bokumu bokasakabana ta tei ebu, bokumu bomina bobwaniti boyeyoa. 25 Ekada bato ba ndako emɔti bakasakabana bo bɛnɛ, ndako emina ebwaniti boyeyoa. 26 Ekada Satana yo mɛnɛ asinedjaka ko asakabani, abwaniti boema: mosi na nde, aimei ta suka. 27 «Moto abwaniti akwee ta ndako e moto o ngulu ko aibe bodieli bo nde, boso mɛnɛ anangake moto ongulu mbɔti; na bea ngɔngimina aibake losusu lodi ta ndako e nde. 28 Soti na bali na nu: mabe kaoko masingi masusu masingaka bo Ndjakomba, mayɛmɛbi adi bana ba bato. 29 Endolo yona asingaka Mwembo Mosɛnɔke atadiabi boyɛmɛ: adikabi na lindo tine seko.» 30 Yesu abalaka na bu bea, tine babalaka na nde: «Adi na mwembo mobe.»