1 «Mbi nadii mole mo vino mopele* ko Sesa adii moswa gbie. 2 Aka dongedja etape e mbi esusu, ekadae pɛpɛ bobota mbuma endelo iyena ekabote mbuma, akaesose, bɛngi bo ebote naikina mbuma djinɛnɛ. 3 bileho djiolehani mbi djisia boososani ehele. 4 Dikamani ta tei e mbi, oko mondumba mo dii mbi ta tei e nu. Etape ebwaniti bobota mbuma iyo mɛnɛ emiti tingama na mole mo vino; ndenge emɔti na nu obwanitini bobota mbuma ehole edaino pɛpɛ botingama na mbi. 5 Mbi nadii mole mo vino, ino bitape. Moto iyo odikamadea engbanga emɔti na mbi, ko iyoo otingi mbi nande, abotadea mbuma djinɛnɛ, modjɔ mo obwanitini bokɔɔ eka emɔti pɛ mbi 6 Moto iyona odai pɛpɛ bo bodikama na mbi adii modumbamake sokolu ko akakanadea; bitape djikakanake baka dji andoe, baka bidumbe ta mosa ko biangoi. 7 Okadikadikamani na mbi ko mibalo mimbi mikada atei e bino, wadjani eka esusu epalakadea ino ko oediadeani. 8 Indja ndenge ndani eka ɛnɛme ekumu e Sesa ehole e bo obotini mbuma djinɛnɛ ko okasainedjani bo odini batingami ba mbi. 9 Nakaopaleni oko ndenge ekapaleni Sesa. Dikani ta tei e epaeli e mbi. 10 Okasumani mibeko mi mbi, odikamadeani ta tei e epaeli e mbi, oko mondumba mokasume mbi mibeko mi Sesa, ko nakadikame ta tei e epaeli ende.

11 «Nabali iboa bɛngi bo sepi embi edae ta tei e bino ko olumeni na sepi enɔɔke*. 12 indjani mobeko mombi: Palanani ta tei e bino oko mondumba mokaopaleni mbi. 13 Bwela mɛɛnɛ bonɛnɛ bobwani moto boinedja bopa bomɔ bonde ta tina e babinande. 14 Odiini bina mbi oko okakɔɔni midjɔ miolomakadeani mbi. 15 Nataobeakadeani naikina basali, modjɔmo mosali tadjebe midjɔ mikakɔe moswande. Naobeakadeani binambi, modjɔ mo nasi booinedjani midjɔ misusu miikoa mbi ta dii Sesa. 16 Ino oihɔni mbi, endelo mbi moto oohɔɔni; ko naolomani, okɛeni, abota mbuma ko dji boyeyoa. Midjɔ misusu miowadjabi ino adii Sesa na kombe e mbi, aopabini. 17 Eka eolomakadeani mbi edii opalaneni ino na ino.»

18 «Ngondo ekadaa na elone na nu, djebakani bo elonani boso bo bino. 19 Osoodaani bato ba ngondo, ka ngondo eopalini modjɔ mo odiini bato ba yu. Endelo mbi naohɔɔni ko naimanedjini ta ngondo ko odiitini bato ba ngondo tina emina ngondo eolonakadeani. 20 Lɛdjɛni mɛko miotɔndeakini mbi: "Mosali tanɔe moswa nde*." Oko modumba mo nɔngedjani ibo, baonyokɔlɔbini pongono oko boa; mondumba modaa bo pɛ bosuma bileho bi mbi, batasumabi pongono bileho bi bino. 21 Endelo baokɔɔbini midjɔ imia misusu ta tina e mbi, modjɔ mo batadjebakadea moto iyona olomani. 22 Babwanaki boingana pekato dji bobo naso nadaa pɛpɛ bodoa ko naso na daa pɛpɛ bo babalea. Endelo edɛdiyeye babwaniti boingana pekato dji bobo. 23 Iyona okaokeini swɛ, akaokee pongono Sesa swɛ. 24 Babwanaki bodaa pɛpɛ boingana pekato dji bobo esoodaa nadae pɛpɛ bokɔ misala mi daa moto okina pɛpɛ bokɔ. Enakoboa edɛdiyeyee, baɛni misala mi mbi ko baokeini swɛ, na Sesa pongono. 25 Endelo ekɔmɔkɔdea boa bɛngi mɛko mikomama ta mobeko mi bobo mikokedjame: "Baokeini swɛ oko ngasa*."

26 «Moto iyona adoadea aokamoani: edii Mwembo mo bosooti modongadea ta dii Sesa. Naolomeadeani bodonga ta dii Sesa ko abaladea tati e mbi. 27 Ino pongono, obaladeani tati e mbi, modjɔ mo odaani na mbi donga oko ta mbangi.