16 Iboa moto omɔti abatama mbuti na Yesu ko amowadja bo: «Molehi, modjɔ mopele motungi na mbi bokɔ nda bɛngi nadie bomɔ bo kɔbili?» 17 Yesu amosɔmbedja bo: «Tina ndani owadjakadeani ta tina e modjɔ moindji bopele? Moto mopele adii oto omɔti pɛ. Okapala bokwea ta bomɔ, suma mibeko.» 18 Amowadja bo: «Mibeko mimina nda?» Yesu amosɔmbedja bo: «Otaowakabi; otakɔɔkɔbi bɔɔli; otaibakabi; otapakabi tati e bokuta; 19 osumakabi sangwao ko na ngwao; opalakabi minɔ ondingo akasapale wɛ mɛnɛ19, 19 Boindja Boi 20, 12-16: Dit 5, 16-20; Lew 19, 18..» 20 Mokandoli moomi abala na nde bo: «Nakasume mibeko imia misusu. Etungi na mbi bokɔɔ naikina nde?» 21 Yesu amosɔmbedja bo: «Okapala bodaa moto mobwanake19, 21 Boɛngɛ 5, 48. , kɛɛ atɛkise leka lodii na wɛ, ko pa palanga dji bolodjadea wɛ ta dii bakwali; iboa obolodjadea bodieli ta busa; ngɔngɔ djimina doa ko kimanani.» 22 Asama iyo oka kɔpi iyena, mokandoli moomi akɛɛ na ndjokwa, modjɔ mo adaaka na leka lonɛnɛ.
23 Yesu abala na batingami ba nde bo: «Naotɔndeakadeani sooti mɛnɛ bo: edii bopipo na modieli bokwea ta Bokumu bo busa. 24 Ko naotɔndeakadeani naikina bo: edii na bopipo tito okabee ibo kamela19, 24 kamela: adii tito okatombe bidhugulu. bokwea ta ipese di tonga, endelo edii bopipo mɛnɛ bɛngi modieli akwee ta Bokumu bo Ndjakomba.» 25 Ehole eoka batingami mɛko mimina, bakamwa bobuke mɛnɛ ko basawadjanaka bo: «Omina ohelabi nda?» 26 Yesu abatingea miso ko abala na bu bo: «Ta tina e bato edii bopipo, endelo ta tina e Ndjakomba misusu midiiti na bopipo.»