Hebreus 12

विश्वासोअ मुख्य नमुनू ईसु

1 तियाहा काजे साक्शीइ एती वोडी गर्दी आपुहूं केंडवारीत होये, ताहां आवा, हारेक रुकनारी वस्तू आन हेलमेहें गुसवीइनारा पापोहो सोड़ीत, आपुहूं ठरवीत आपल्या गुगदीइलोअ पोट्टापोअ बागे रोत गुगदुहूं. 2 जो विश्वासोअ थापनारु आन पुरो कोअनारु होय तिया ईसुउहें ध्यान लागाड़ीत रोहूं, जिये तियाआ आगल्‍यीइ खुसीइ काजे, लाज सोड़ीत क्रुस खांबोअ दुख वेठ्यो, आन ओमे तो देवोअ राजगादीइ हाजाड़ीइ वोलेहे जात कोइत बोठुहू.

3 तियाहा कोत तियापोअ मोन लागाड़ा, जिये सोताआ विरुद्दामेहें पापी माअहोंअ एतुहू वोडू विरोध वेठीत लेदू, काहाके तुमू नाराज ओत कोइत हिम्मत ने सोड़ी देअहूं जोवे.