रोमन 10

12 यहुदी आन बिगर यहुदीमेहें किज फरक नाहां, काहाके तो आखाआ प्रभु होय आन नाव लेत प्रार्थना कोअनारा तियां आखाहा खुल्ला मोनोवाईं आशिर्वाद आपेहे. 13 काहाके वसन कोहे, "जों कोडो प्रभुउ नाव लेय, तियाहा तारण जोड़े."

14 पोन जियापोअ तियां विश्वास ने कोअयू, ताहां तें तियाआ नाव कि कोइत लेत सेकतेहे? आन जियाआ बाप्तिम तें ने उनाअये, ताहां कि कोइत विश्‍वास कोइत सेकतेहे? आन परसार कोअनारो ने ओवो ताहां तें केहें कोइत उनात सेकतेहे? 15 आन जर सेवकोहो बाअथे ने मोकले ते संदेश कि कोइत परसार ओवनारु? जेहलोहो वसन कोहे, "हाजी बातमी लेतावनाराआ पाग केताहा बाहरी होय!"✝10:15 यश 52:7 16 पोन ते हाजी बातमी आखाज मान्यो ने कोअयी. यशया सोताहा कोहे, "प्रभु, आमाआं संदेश उनात कोइत कोडे विश्वास कोअयू?"✝10:16 यश 53:3 17 तिहीं वाईं, होंबलीइतेहे ताहां विश्वास आवेहे आन जों होंबलीइतेहे तों ख्रिस्ताआ वसन होय.