Marcos 10

Jesuh naa Mikhungtih Bartimaeus Y Kaansyak

46 Ynpynnyng Jerikho luh aa ym luu. Jesuh khy y hngulawnglyktih halaa khyang puː haady luh aa kuːh ym zetbua hnguva mikhungtih khyang, Thimius zawepawe Partimia cee lyaamkaa ngoa theila y hngiiei. 47 Nazareth taa kuːh Jesuh phawlue khyang y jyak hnguva, "David zawepawe Jesuh, keei mannei piatmawh!" tilaa y pang.

48 Yn khyang ngyng Khyang panuu kung naa byakkhy tikawa myi tilaa ym hngyappei, ynbawlakhy, "David zawepawe vo, keei mannei piatmawh!" tilaa y pang sawshoi.

49 Jesuh tung theila, "ynih paannei jyt," y tinyak.

Yn hnguva mikhung tih khyang ym pann, "sawso kawh, thoo! nyang y pannei," ym tinyak.

50 Y suisyak dyyi theila, dawng hngyakkyng Jesuh cenga y luu.

51 Jesuh naa, "Nyang tawk i ky caaipiat ty ny luːnyak maa?" tilaa y hngi.

Mikhungtih khyang naa, "Cawkhyautih vo, mik hnguhey ky luː," y tiinyak.

52 Jesuh naa yn nyng, "Zet, nyang jummeinyak naa kaangsaanyak bei pyn," y tiinyak.

Ynhnguva y mik hungtih kuːk hlyi theilaa lyaam tommaa Jesuh lawnglykkei.