1 Jin hnguːp pynnyng Magdala luh kuːh Marih, James nuu Marih laa Salome tih haa Jesuh jawawk kyng jun ny khyang uing hlei theiawlaa ym luu. 2 Acuːk jah hnguːp ngutyh khuhngii lyt luu cuːn nyng, zu lyaamma ym zet hnguva, 3 pahuat la pahuat, "zu kyt khah nyak lung sawt cee u naa hloat voai ma?" tila ym hngiei thong. 4 Ym to hnguva lung sawt alian pawe khyang hngu theilaa yn lung sawt khy hngongei cyn khyang ym hnguh. 5 Yn hnguva zu dukka ym voang hnguva, putawzawe pahuat khep lyaamma phaang pok vuei theila y ngoa khyang ym hnguh hnguva ym zaat nyak myk.

6 Yn na, Zaatnawe kawh eyt, tilaa yn haa eyng hyau. "Tangtyng huanna byt khyaam hnguːt tih Nazareth luh Zawe Jesuh nym suijok kawvei. Yn cee thoo bua pyn; Yn mynija myi tijo. Ym khuh hnguːt nyak duːn to vyt, 7 ✝Ynbawlakhy zettyt, hngulawnglyktih haa la Pitar eyng saih jei jyt, ‘Yn cee nyangmi maw Galilee pee jaa y zetpyn. Nyang ngyng y hyau hnguːt bawva, ynnijaa yn nym hnguh veijy,’ " y tinyak.

8 Yn hnguva hngutawe haa cee sawso lelet awlaa zu dukka kuːh lyt theila ym zawn. Jesuh kyhtong khianyng u vyng khy ahngoan na saih voam joaw.

[ 9 Kuhnguːp hnguːp syh dukkuːh acuːk hnguːp Hngi hnguːp pyng Jesuh y thoo bua hnguva, acuːkka tusee syh y shuːshawt khyang duːn Magdala naam maa kuːh Marih cenga y duan voih mawe. 10 Magdala naam maa kuːh Jesuh myi hah hnguːt pui Pitar y bawngboai haa khangsukkei tih haa eyng zet theila y saih jei. 11 Jesuh byt nyak kuːh y hyang bua pyn tiih, Magdala naam maa kuːh Mary na y hnguhei tinyak khyang ym jyak hnguva, yn jum nyn joaw.

12 Ynpynyng Jesush cee y hngulawnglyk pahngih naam lyaamma y hngih zet hnguva, ycya baw piangei theila y hyih cenga y duannei voih. 13 Yn hyih hleilu bua theila, y cya haa eyng y hngih saih jei, ynbawlakhy yn haa na jum joaw.

14 Ynpynyng y hngulawnglyk kulaihuat haa ym ei jei hnguva Jesuh duan voih theila, y thoh bua khyang hngutih haa khyau ym jum kaw khianyng, ym jum thei kaw khyang lung la ym lungbawng cang haa y cawkhyau. 15 ✝Yn haa eyng y hyau, "Somdek tomti ja zet cawlaa comuaa khyang haa tomti cenga sityang poai saih byih jyt. 16 U khy siseh jummeitih cee baptisma khyammei theilaa lilovei nyak lawh ly, ynbawlaaky jummeitih kaw ukhy siseh pet cijang khyam lawh ly. 17 Jummeitih cee muːnnawseetih puh nyn nyak phungan lawh theilaa tusee haa keei ming ngyng ym shuː vy, khyau tha vyng ym khyau vy. 18 Phua haa ym kut tyng muan laakhy byt nyak tuu haa uu laakhy nehsee lawh hai sijo; neh mawh haa khunga ym kut ym tyang hngua, yn haa kaansaa nyak ym lawh ey," y tinyak.

19 ✝Mawhpaw Jesuh yn haa dy hyauvei pynyng, huankhu va juːhsonnei khyam lawh theila, Nuatpawe khep lyaamma y ngoa. 20 Hngulawnglyk haa khy hleibua thei awlaa a duːn tomti ja sityang ym saihjok, Mawhpaw naa yn haa eyng khut y yap, sityang ym saih khyang haa a hngoan tinyak khyang muːnnawseetih phungan haa bei theila y podyang shyak.]

[ 21 Jesuh bytnyak kuːh hngi hnguːp pyng thoo bua hnguva, acuːk nyak kyng Magdala naam kuːh Mary cenga y duanvoih maw, tusee syh khy y syt hnguːt. 22 Yn zet theilaa ynih mannei khyang y saih. Yn haa cee kap awlaa ym ngyammyiang.]