MARKA 5

35 Jesuh khyau hlu hnguva, Jairus imm maa kuːh acya khyang laa sinakok kuːh khyanglian haa ym luu. "Nyang zawhngu bytpyn, Cawkhyautih cee ibawthonnyng hlumhlik shoimaa?" ym tiinayk.

36 Ynbawlakhy Jesuh naa yn khyaukhaw y jyak hnguva sinakok uptih eyng, I ym tiinyak khyang canawjo,*5.36 canawjo; sikawvyngcee ym khyau ngei jo. "Sawso kawh; jummeinyak tawveih," y tinyak. 37 Ynhnguva Pitar, James laa James nau Jawhan thua ukhy ynih lawnglyk syak jo. 38 Sinakok uptih imm maa ym luu hnguva, khyang panuu vuiipang laa ym kap khyang Jesuh naa y hnguh. 39 Yn dukka voang theila yn haa eyng, "Ibawthawnyng vuiipang theilaa nym gap maa? Dikzaw cee byt si jo, yn cee ip jyang" y tiinyak.

40 Yn hnguva ynih ym nuih nyak. Yn haa tomti y lyt syak. Ynpynnyng ynih dy hngulawnglyktih pathum haa laa dikzaw nuu laa paw dikzaw myih nawva ym zet. 41 Y kut tyng yn thooh theila ynih eyng, "Talitha koum!" yn cee, "Hngutaw zawvo, thoo bua tiihyau!" y tiinyak.

42 Ynih thoo theilaa y zet hlyi nyn bua. Ynih cee kum kulaihngih myi hngyh. Ynhnguva yn haa naa hlyija ym muːnnyak giah. 43 Jesuh naa myn unaakhy hnguat kawhaijaa biatbiat shin theila, yn haa eyng y eijy juːhuat beijyt, y tiinyak.