Marcos 7

Jesuh naa Hngawpyangtih laa khyauawhtih kaansyak

31 Pynnyng Jesuh cee Tyre luh kuːh thoo theila Sidon pee lyammaa y zet, Dekapolis pee kikaa dukka voang theila, Galilee pee tuiili jaa y phawluu. 32 Yn duːn naa hngawpyang tih laa khyauawh tih khyang pahuat ycya khyang haa naa Jesuh cenga ym luu, yn khyang huannaa kut tyang piatty ym khawhei. 33 Khyangpuː dukkuːh, Jesuh naa yn khyang loo theila y hngawku vyng y kutjung y thuan. Ynpynnyng y shyatui loo theila yn khyang lei jyng y beh. 34 Ynpynnyng huankhu lyaam to theila, khyau puːpuː hyau, "Ephphatha!" yn cee, "lyang seh!" y ti hyau.

35 Yn khyang cee y hngaw lyang bua theila, y lei khy hyangbua, ynpynnyng poaijaa y khyau nyn hlyi. 36 Jesuh naa ni u vyngkhy saih kaw haiawva hnguishin. Ynbawlakhy yn sityang ym saith jawk giah. 37 Jawetih khyang haa naa ym muːnnyak, "Yn Mawhpawe caai hnguːt tomti ym muːnnyak, hngawpyangtih jyak syak nyn bua theila awhtih haa khy khyau nyn syak," ym tii.