1 "Milando hai niwalongela lukani mkotoho kuleka kunikwinila." 2 Wandu watewavinga mwenga kumaghuta gha kukonganika Wayahudi. Kangi lipindi linguhika itewela mundu pakawakoma mwenga ateliwachila yiwa kwa kughola nagha angumtumikila Sapanga. 3 Watewagholela mighalu hai hyogha kwaikiva wammanya ng'ogha Tati, wala wangunimanya ng'ogha na nenga. 4 Hinu, ninguyalongela hagha kwa mwenga hinaa, ili payahumila mpati kukumbwike yiwa nilongili kala.

"Niwalongelili ng'ogha mighalu hai kuhuma mtumbulo kwaikiva niwelili pamonga na mwenga." 5 Hinu, hinaa nenga ninguyenda kwa yula mweni kuniyegha, ila kwahela hata mmonga wa mwenga mweni kunikonya, Unguyenda kogha? 6 Hai ni kwaikiva niwalongela mighalu hai, hinu mioyu gha mwenga inyengemala hinaa. 7 Ila ninguwalongela uchakaka, ni mbaha nenga nihuki, kwaikiva handa nitehuka ng'ogha hayu mweni kuwatanga atehika ng'ogha, ila paniyenda nitemlaghila kwa mwenga. 8 Hayu pakahika atewalangiha wandu wa mlima wogha hau yiwa wangukosela kwa mighalu gha sambi, kuwalangiha haki, pamonga na utoso wa Sapanga. 9 Kangi hayu Mpumulo atewalangiha yiwa sambi ghao ni kukosela kwa kuleka kunikwinila nenga, 10 mweni atewalangiha yala yeni kumhekelesa Sapanga, kwaikiva nenga ninguyenda kwa Tati, na mwenga mtenilola ng'ogha kangi. 11 Atewela anguwalangiha paluagha habali gha utoso, kwaikiva yula mhakata mweni kulongosa mlima wogha hau katoswa kala.

12 "Niwela na milando mitangala gha kuwalongela, ila hinaa muwela ng'ogha na uweso wa kumanya hyogha." 13 Ila pakahika hayu Mpumulo wa uchakaka atewalongosa kumanya uchakaka wogha, kwaikiva mweni atelonga ng'ogha milando ghaki mwenibaha, ila atelongela kila angukihyoghanila, na ndiwa atewalongela, hilahila atewamanyisa kila kitehumila haku kuulongolo. 14 Mweni atewaghola mnitundamili kwa kutola ujumbi wa nenga na kuwalongela mwenga. 15 Vyogha kawela navyu Tati ni vya nenga, ndiwa kwaikiva niwalongela yiwa hayu Mpumulo atewamanyisa mwenga yala yeni kuhuma kwa nenga.

16 "Lihighala lipindi mayaghani mtenilola ng'ogha, na kangi lihighala lipindi mayaghani mtenilola."

17 Hinu wamonga wa wavulwa ghaki wakakonyana, "Angumanisa niki paangulonga, ‘Lihighala lipindi mayaghani mtenilola ng'ogha, na kangi lihighala lipindi mayaghani mtenilola?’ Kwaikiva ninguyenda kwa Tati!" 18 Hinu wakayendelela kukonyana, "Angumanisa liki" hayu paailonga, lihighala lipindi mayaghani? "Tumanya ng'ogha angulonga liki."

19 Yesu amanyili yiwa wangupala kumkonya, hinu akawalongela, "Ghuli, mngukonyana kwa yala nilongile yiwa, lihighala lipindi mayaghani mtenilola ng'ogha, na kangi lihighala lipindi mayaghani mtenilola kangi?" 20 Ninguwalongela uchakaka, mwenga mtelila na kulumbilila, ila mlima wogha utehekelela, mwenga mtenyengemala, ila unyengemalu wa mwenga uteghalambuka kuwela kiheku. 21 Lipindi mdala anguliwopola angunyengemala kwaikiva lipindi lya lusungu lihika kala. Ila pakayomola kuliwopola anguisemwa ghala hyogha yamnyengemisili, kwa luheku lwa kupokela mwana. 22 Hilahila na mwenga hinaa muwela na unyengemalo hau, ila nenga nitehika kangi, na mwenga mtehekelela na luheku hali kwahela mundu mweni kuwesa kuwahumisilila kuhekelelela kwa mwenga.

23 "Lichuwa hali palihika mteniluwa ng'ogha nenga chochosi handa mngughola hinaa. Chakaka ninguwalongela, chochosi mtemluwa Tati kwa lihina lya nenga atewapegha." 24 Mpaka hinaa mluwa ng'ogha kindu chochosi kwa lihina lyangu. Mluwi na mwenga mtepokela lukani muweli mnguhekelela nesu.

25 "Niwalongela mighalu hai kwa kifisu. Ila litehika lipindi nitelonga ng'ogha kwa kifisu kangi, ila nitewalongela lipala lipala yala yeni kumlongelela Tati." 26 Lichuwa hali mtemluwa Tati kwa uwesa wa nenga. Nitewayupila ng'ogha kwa Tati, 27 kwaikiva Sapanga mwenibaha anguwapala mwenga, kwaikiva mwenga mnipala nenga na mjumila yiwa nihuma kwa Sapanga. 28 Nenga nihuma kwa Tati, nihika kumlimawogha hau na hinaa "Ninguyenda kwa Tati."

29 Ndiwa wavulwa ghaki wakalonga, "Hina, hinaa ungulonga lipala lipala ungulonga ng'ogha kwa kufisa." 30 Hinaa tungumanya yiwa wenga ungumanya mighalu hyogha, "Na kwa hinu kwahela kya kukukonya kangi chochosi, hinu tungukwinila yiwa unguhuma kwa Sapanga."

31 Yesu akawayanga, "Ghuli, hinaa mngukwinila?" 32 Lipindi linguhika na kangi lihika kala, mwenga wogha mtepaghalanyika kila mundu ukaya kwaki na nenga mtenileka wekayangu, ila nenga waweka ng'ogha kwaikiva Tati kapamonga na nenga. 33 Hagha niwalongela lukani mlikali kwa kuponga kwa kukonginika na nenga, mumlimawogha utewaghola mghasiki, ila mlitutumuli! "Nenga niusinda mlima wogha."