1 Awa nawo want'hu we dijimbo wezaga kulawa kwo utahigwa awo Nebukaduleza seuta ywa Babeli awatahaga, wauyaga mwo mzi wa Yelusalemu mwe isi ya Yuda, kila mnt'hu kwe kaya yakwe. 2 Vilongozi wawe wandaga ni Zelubabeli na Yoshua na Nehemia na Selaya na Leelaiya na Modekai na Bilishani na Misipali na Bigivai na Lehumu na Baana.

Ulu nulo ludongo lwose lwe zink'holo za want'hu wa Izilaeli wauyaga kulawa kwo utahigwa enga wafungwa.

3 Welekwa wa Paloshi wandaga want'hu alufu mbili na gana dimwenga na mlongo mfungate na waidi. 4 Want'hu wa lukolo lwa Shefatia wandaga want'hu magana matatu na milongo mfungate na waidi. 5 Want'hu wo lukolo lwa Ala wandaga want'hu magana mfungate na milongo mfungate na mishano. 6 Want'hu wo lukolo lwa Pahati Mmoabu uyo mwelekwa ywa Yoshua na Yoabu wandaga want'hu alufu mbili na magana mnane na mlongo umwenga na waidi. 7 Want'hu wo lukolo lwa Elamu wandaga alufu imwenga na magana maidi na milongo mishano na wane 8 Want'hu wo lukolo lwa Zatu wandaga magana kenda na milongo mine na washano. 9 Want'hu wo lukolo lwa Zekai wandaga magana mfungate na milongo mtandatu. 10 Want'hu wo lukolo lwa Bani wandaga magana mtandatu milongo mine na waidi. 11 Want'hu wo lukolo lwa Bebai wandaga magana mtandatu na milongo miidi na watatu 12 Want'hu wo lukolo lwa Azigadi wandaga alufu imwenga na magana maidi na milongo miidi na waidi. 13 Want'hu wo lukolo lwa Adonikamu wandaga alufu mtandatu na magana mtandatu na mtandatu. 14 Want'hu wo lukolo lwa Bigivai wandaga alufu mbili na milongo mishano na mtandatu. 15 Want'hu wo lukolo lwa Adini wandaga magana mane na milongo mishano na wane. 16 Want'hu wo lukolo lwa Ateli uyo etangwagwa Hezekia wandaga magana kenda na mnane. 17 Want'hu wo lukolo lwa Besai wandaga magana matatu na milongo miidi na watatu. 18 Want'hu wo lukolo lwa Yola wandaga gana dimwenga na mlongo umwenga na waidi. 19 Want'hu wo lukolo lwa Hashumu wandaga magana maidi na milongo miidi na watatu. 20 Want'hu wo lukolo lwa Gibali wandaga magana kenda na washano. 21 Want'hu wo mzi wa Betelehemu wandaga gana dimwenga na milongo miidi na watatu, 22 Want'hu wo mzi wa Netofa want'hu milongo mishano na mtandatu, 23 Want'hu wo mzi wa Anatoti want'hu gana dimwenga na milongo miidi na mnane, 24 Want'hu wo mzi wa Azimaweti milongo mine na waidi, 25 Want'hu wo mzi wa Kiliati Yealimu, ya Kefila na wa Beeloti wandaga magana mfungate na milongo mine na watatu, 26 Want'hu wo mzi wa Lama na wa Geba wandaga magana mtandatu na milongo miidi na yumwenga, 27 Want'hu wo mzi wa Miukimashi wandaga gana dimwenga na milongo miidi na waidi, 28 Want'hu wo mizi ya Beteli na Ai wandaga magana maidi na milongo miidi na watatu, 29 Want'hu wo mzi wa Nebo wandaga milongo mishano na waidi, 30 Want'hu wauyaga kulawa ko utahigwa mwo mzi wa Magibishi wandaga gana dimwenga na milongo mishano na mtandatu. 31 Want'hu wo mzi wa Elamu int'huhu wandaga alufu imwenga na magana maidi na milongo mishano na watatu, 32 Want'hu wo mzi wa Halimu wandaga magana matatu na milongo waidi, 33 Want'hu wo mizi ya Lodi na Hadidi na wa Ono wandaga magana mfungate na milongo miidi na mishano, 34 Want'hu wo mzi wa Yeliko wandaga magana matatu na milongo mine na washano, 35 Want'hu wo mzi wa Senaa wandaga alufu nt'hatu na magana mtandatu na milongo mitatu.

36 Uno nuwo uwazilo wa want'hu kulawa mwe zink'holo zo ulavant'hambiko wauyaga kulawa uko utahigwa. Walavant'hambiko wo lukolo lwa Yedeya, awo wandaga welekwa wa Yoshua want'hu magana mtandatu na milongo mfungate na watatu, 37 walavant'hambiko wo lukolo lwa Imeli wauiye kulawa kwo utahigwa wandaga want'hu alufu imwenga na milongo mishano na waidi. 38 walavant'hambiko wo lukolo lwa Palishuli wandaga want'hu alufu imwenga na magana maidi na milongo mine na mfungate, 39 walavant'hambiko wo lukolo lwa Halimu wandaga want'hu alufu imwenga na mlongo umwenga na mfungate.

40 Nk'holo za Walawi wauyaga kulawa uko wasamilaga,

lukolo lwa Yeshua na lwa Kadimieli, welekwa wa Hadavia, wandaga milongo mfungate na wane 41 Wakemi wa welekwa wa Asafu wuyaga kulawa kwo utahigwa wandaga want'hu gana dimwenga na milongo miidi na mnane.

42 Wamizi we nk'hili ye nyumba ya Zumbe welekwa wa Shalumu na Ateli, Talmoni, Akubu na Hatita na Shobai. Wose kwa hamwenga wandaga gana dimwenga na milongo mitatu na kenda.

43 Zink'holo za wandima we Nyumba ya Mnungu wauiye kulawa ko utahigwa

Wandaga want'hu wo lukolo lwa za Ziha na want'hu wo lukolo lwa Hasufa na want'hu wo lukolo lwa Tabati, 44 want'hu wo lukolo lwa Kelosi na want'hu wo lukolo lwa Siha nawant'hu wo lukolo lwa Padoni, 45 want'hu wo lukolo lwa Lebana na want'hu wo lukolo lwa Hagaba na want'hu wo lukolo lwa Akubu, 46 na want'hu wo lukolo lwa Hagabu na want'hu wo lukolo lwa Salimai na want'hu wo lukolo lwa Hanani, 47 na waant'hu wo Lukolo lwa Gideli na na want'hu wo lukolo lwa Gahali na want'hu wo kukolo lwa Leaya 48 na want'hu wo lukolo lwa Lesini na want'hu wo lukolo lwa Nekoda na want'hu wo lukolo lwa Gazamu, 49 na want'hu wo luko lwa Lukolo na want'hu wo lukolo lwa Uza na want'hu wo lukolo lwa Pasea na want'hu wo lukolo Besai 50 na want'hu wo Lukolo lwa Asina na want'hu wo lukolo lwa Meunimu na na want'hu wo lukolo lwa Nefisimu 51 na want'hu wo lukolo lwa Bakibuki na want'hu wo lukolo lwa Hakufa na want'hu wo lukolo lwa Halihuli. 52 na want'hu wo Lukolo lwa Basiluti na na want'hu wo lukolo lwa Mehida na want'hu wo lukolo lwa Halisha, 53 na wnt'hu wo lukolo lwa Balikosi na want'hu wo lukolo lwa Sisela na want'hu wo lukolo lwa Tema, 54 na want'hu wo lukolo lwa Nezia na want'hu wo lukolo lwa Hatifa.

55 Awa nawo want'hu we zink'holo za wandima wa Selemani

wauyaga kulawa kwo utahigwa. Want'hu wo ukolo lwa Sotai na want'hu wolukolo lwa Hasofeleti na want'hu wo lukolo lwa Peluda na 56 want'hu wo lukolo lwa Yaala na want'hu wo lukolo lwa Dalikoni 57 na want'hu wo lukolo lwa Shefatia na want'hu wo lukolo lwa Hatili na want'hu wo lukolo lwa Pokeleti na want'hu wolukolo lwa Hasebaimu na na want'hu wo lukolo lwa Ami.

58 Wandima wose we nyumba ya Zumbe na welekwa wa wandima wa Selemani wauyaga wandaga magana matatu na milongo kenda na waidi.

59 Awa nawo wauyaga kulawa kwe mizi, Teli Mela na Teli Hasha, Kelubu na Adani na Imeli, mna hawakelavanye kugamba zink'holo zawe zalawaga mwa welekwa wa Izilaeli.

60 Woho nawanda we zink'holo za Delaya na Tobia na Nekoda, wose wandaga want'hu magana mtandatu na milongo mishano na waidi.

61 Awa nawo walawaga mwa walavant'hambiko, Habaya na Hakosi na Bazilai. Kwaviya Balizilai alombaga mwanakike ywa Balizilai kulawa Geleadi yehe naye niyo etangwa Balizilai.

62 Awo wazungulaga lukolo lwawe mwe kitabu zink'holo, mna hawaonekaga umwo. Ivo elo hawazumilwagwa kwink'higwa ulavant'hambiko, kwaviya hawazumilwa mwo kuvika Mnungu. 63 Kilongozi awagambaga hawakuungwa kunda hamwenga mwe nk'hande ilavile Mnungu, kubula ande aho mlavant'hambiko naadahe kulava ulosi kwa sila ya Ulimu na Tumimu.

64 Want'hu wose wauyaga kulawa uko wasamilaga wandaga alufu milongo mine na waidi na magana matatu na milongo mtandatu. 65 Kuse ya awo, kwandaga na wandima wagosi na wavele alufu mfungate na magana matatu na milongo mitatu na mfungate, na wakemi wagosi na wavele wandaga magana maidi. 66 Kwandaga na Falasi magana mfungate na milongo mitatu na mtandatu, mp'hunda falasi magana maidi na milongo mine na mishano, 67 ngamia magana mane na milongo mitatu na mishano na mp'hunda alufu mtandatu na magana mfungate na milongo miidi.

68 Want'hu awo walaile uko wasamilaga weze wabule mwe nyumba ya Zumbe Mnungu imwo mzi wa Yelusalemu, wamwenga mwa wakulu we zink'holo walavaga malavo ya kuunga wenye vileke wawambize uzesi we Nyumba ank'hulu ya Mnungu aho yandaga. 69 Kila mnt'hu alavaga icho adahaga kwaajili ya ndima iyo. Malavo ayo yandaga kilo magana mashano za zahabu na kilo alufu mbili na magana mnane ya masawa na mavalo gana kwajili ya walavant'hambiko.

70 Ivo walavant'hambiko na Walawi na want'hu watuhu wakongaga kwikala mwo mzi wa Yelusalemu na mwe zikaya zawe. Wakemi na wamizi we Nyumba ank'hulu ya Mnungu na wandima we Nyumba ya Mnungu wakongaga kwikala uumwo mwe mizi yawe na Waizilaeli wose wekale mwe mizi yawe.