Kupalana
1 Hata handa mbakulongela hilongelo ya bhandu na ya akaatumichi bha kunani kwa Annoongo, nambo handa nangali upalio nenga mii handa lilobhe lya lidebe jika au kengele. 2 Kabhele, ngombola kutangacha ngani ja Annoongo, kongo mmi kuimanya hikubho yoa ya Annoongo yangamanyikana, ngombola kuhobhalela muno hata ngakombwile kuamia litombi, nambo handa nangalia upalio nenga ngabha chilebhe. 3 Handa moite hilebhe yangu yoa na kwapekeanga akaahocho, na handa moite kila chilebhe chimiinacho, handa nangali upalio nganyangatila chilebhe.
4 Mundu jwabhile na upalio kuhimbilila, kujangatila bhangi, jwabhile na upalio jwangali bwihu, ngachilolalola, na wala ngachipuna. 5 Jwabhile na upalio atendakwatopea bhangi, ngalolea hikubho ya kwaajangatila mweene, wala ngatumbala chindema, na wala ngakombokela hikubho ibohu, 6 mundu jwabhile na upalio ngahachukila ubohu, nambo atendakuhachukila ukweli. 7 Mundu jwabhile na upalio kuimbalila kwa yoa, mundu jwabhile na upalio kuhobhalela bhangi, mundu jwabhile na upalio kulupalila.