Yesu aolehia impinga i inɛnɛ i bato
30 Baekoli bakokanaki onka Yesu mpe bamɔhɛkwelaki inkuma ikelaki balɔkɔ mpe ilakaki balɔkɔ. 31 Lendaka, Yesu aobaebia bɔnɛ: «Inyo banɛ bankina, boyaka nobulame o bohobe mpe bɔlie lopwa.» Na itina eliki na bato boike bamboyakake mpe bamboisiake, mpe balɔkɔ tabayala nsa na epohe nɔlɛ. 32 Baotangwa na bwato noha o manda e bohobe. 33 Bato baoywɛnɛ Yesu na baekoli banande baotangwa mpe boike babaɔhɔlɔki; boiko, nyaima o mananga mankuma, bato bahaki mabango lo makolo o manda ɛlɔkɔ mpe baiyaki boho bo balɔkɔ.
34 Ohapwaki Yesu o bwato, aɛnɛki impinga i inɛnɛ; moloko monande moliki ntwatonda na mahɛi na itina baliki lo mbata lipa na mobateli6, 34 Nwɛlia na Met 27.17; 1 Bank 22.17; Ɛzɛk 34.5-6. mpe abandaki nobalaka mbo boike. 35 Aiko opendaki elaka noleka, baekoli bayakaki bɛlɛbɛlɛ na nde nomwebia: «Manda ɛnɛ ele bohobe mpe elaka eoleka. 36 Isenya balɔkɔ o ngando na bihe bile bɛlɛbɛlɛ nohomba bindei.» 37 Ya Yesu aobaisenyele bɔnɛ: «Inyo bamɛnɛ bobapa bi ndei!» Ya, babekolaki bɔnɛ: «Ɛbɔtɔ na iho noha nohomba bingwɛlɛ na mpata6, 37 Lenda Mat 20.2. menkama mepe mpe tobapae bi ndei?» 38 Yesu abaubolaki: «Bole na bingwɛlɛ binga? Bɔnsɔ bolende.» O mbiha enendi, balɔkɔ ndɛmbɔ: «Matano mpe na nsi ipe.» 39 Mpe aobapa lotomo nobakihiya balɔkɔ bankuma, o maboko, o bibuhu. 40 Bakihaki o maboko ma menkama mpe ntuku i itano. 41 Yesu apwaki bingwɛlɛ biko bitano mpe na nsi liko ipe, aiyeyaki maiho o Liko, mpe aototia Nyambe. Atenakaki bingwɛlɛ mpe abipaki onka baekoli mbɔ babakapwele. Aisiaki mpe nokapola nsi liko ipe onka balɔkɔ bankuma. 42 Balɔkɔ bankuma balɛkɛki mpe bakindaki. 43 Mpe batɔngɔnɔki meuka liomu na mepe me biteni bi bingwɛlɛ na nsi lipalemaki6, 43 Nwɛlia na 2 Bank 4.42-44.. 44 Baiko balɛkɛki bingwɛlɛ baliki mele nkoto itano.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)