Marcos 8

Yesu aobikia ebolia maiho o Betesaida

22 Oiyaki Yesu na baekoli banande o Betesaida, baomɔbɛkɛle ebolia maiho ɛmɔ mpe baɔmɔbɔndɔ mbɔ amokate. 23 Yesu akataki ebolia maiho o ikata, amobɛliaki o nanda e ehe. Amotikaki nsɔi o maiho manande, amohangiaki makata mpe amoubolaki bɔnɛ: «Ɔɛnɛ yomba?» 24 Olipolaki nde maiho, aomoisenyele: «Naɛnɛ bato, nabaɛnɛ lo mete, ya bakɛndɛ.» 25 Boiko, Yesu aisiaki nomohangia makata o maiho; mpe moto aoywɛnɛ polele: aobika mpe aoywɛnɛ na nsɔhɔli yomba ɛmɔ na ɛmɔ. 26 Yesu amoisenyaki onka nde ntepela mbɔ: «Tɔtwake nsa na o ehe.»