LUK 2

Yesɔ ne Akabaŋkɔŋ ayou Arik

41 Kɔte se takǝ tetɛɛ ma ben yaa maa Yesɔ agar Urshelima ne igyaŋ yi tuk glak. 42 Ndi Yesɔ ne te ase wur ne ya, ne gar gyaŋ ndi ne kpai ŋyak. 43 Ndi gyaŋa ne gayir tetɛɛ maa vǝvǝne ben yaa maa ne kama kɔmɔ ne kɔb, Yesɔ ne kama gbur akli ne Urshelima ne yaŋ zhi men. 44 Ne yik te di a tsǝne zǝ ba ne tsin bɛr zhin. Fe awɔbu ne min aneshir bɛ gar kɔb men ben akpa amaa. 45 Ndi ne wɔb bu alakakana, ne kam kɔmɔ ne Urshelima te gar wɔb bu. 46 Ne te bɛr tar teshe wɔb bu yik ne Akabakɔŋ, ne amkpa ne bla lɛ kɛ Arik. Akɔ sɔŋ ne min abɛ tsar lɛ kɛ Arik, te zǝr wɔ ba te na rib lǝlɛ. 47 Waŋ ndi ne wɔu lɛ maa ne sak ŋɔk nenu ne izhi ma ben sak lɛ maa.

48 Ndi tetɛɛ maa bene yaa maa ne yigu, ne sak ŋɔk nenu. Iya maa adiu te di, <<izu muŋ, Une na ta anii me? Tetɛɛ mi ben nga ta zen shurɔ ayi wɔb bu.>>

49 <<Yesɔ adi ba izhin wɔb me ne ni?>> A rib. <<Ba zhin ne zhi te di me te sɔŋ ne kɔb Tetɛɛ muŋ kai?>> 50 Amɛ bane zhi kiyiŋ ndi abla ba ba.

51 Fe Yesɔ azǝ ba gar Nazara te zǝ lɛ mǝne. Amɛ yaa maa ne su kiki yiŋɛ yir ne susun maa bane bla nuŋ ba. 52 Amɛ Yesɔ ne te ngɔŋ ne zhi teyi mgbemgbeb gɔŋ. Ne yik ta bǝn Arik bǝn aneshir.