LUK 9

Yesɔ ne shar awur ane yaa

1 Ndi Yesɔ ne zhɔ awur ane yaa, ne nek ba mgbyamgbyaŋ ben klik te abɛ Gli anerim arumɔ te na abɛ lɔ tǝ bɛ rɛ, 2 te shar ba abɛ kɔte du lɛ kɛ kɔb Arik tena duŋ abɛ lɔ abɛ rɛ. 3 Ne bla ba kǝr abɛ baŋ ikinuŋ agli ba ne tsin mǝne, kǝr abɛ baŋ mkpɔki ba, bǝn abubu ba, kǝr abɛ na Gli ikili ben azɔb ba, kǝr abɛ na Gli anklu anuŋ ba. 4 Ikɔb keŋ ndi izhin te yir kɛ, izhin bɛ sɔŋɔ ne kǝ gar mkpaŋ keŋ ndi izhin te duŋ ntuno. 5 Fe aneshir abɛ ntuno bate ta zhin ba, izhin bɛ klu gbumgbuk ye aza min shur ba te duŋ ntuno, bɛ yi ngir ndi izhin ne yir kɔbɔ.>> 6 Ne me ne vuŋ tsǝn te yir ntuntun, te bla lɛ didik kǝ men te na duŋ abɛ lɔ arɛ.