4 Anaa ang Ginoo sa iyang balaan nga templo;
naghari siya gikan sa iyang trono didto sa langit.
Ginatan-aw niya ug ginasusi ang tanang mga tawo.
5 Ginasusi niya ang mga matarong ug ang mga daotan.
Ginakapungtan niya ang mga bangis.
6 Paulanan niyag nagdilaab nga mga baga ug asupre ang mga daotan;
ug silotan niya sila pinaagi sa init nga hangin nga makapaso.
7 Kay matarong ang Ginoo
ug malipay siya sa mga buhat nga matarong.
Busa ang nagkinabuhi nga matarong makaduol kaniya.11:7 makaduol kaniya: sa literal, makakita sa iyang nawong.